Kookolhobian Ekpom Mọ Anạ

Mem lọ yira rotuughạ Baibul phọ, yira rowạ ghan mọ iitughiạn phọ aZihova etir ekpom mọ ayira. Ezra aphighi ni emạ eḍeenhaan ilọ iphẹn phọ mem mọ odị ‘aakolhobian bọ ekpom mọ odị otuughạ Olhogh phọ aZihova.’ (Ezra 7:10) Yira kotuughaạny aani ika nyodị?

Ḅeeḅereghị. Miighom ghan torobọ edeọm ituughạ phọ anạ r’iiḅereghị. Lọm aZihova alhoghonhaạn nyinhạ ḍighaạgh orue onhaghanhạn r’osighẹ oḍighinhom ipẹ nạ ratuughạ bọ.—Ps. 119:18, 34.

Moọgh eegharạ osooromhi aloor. Enhaạn ebooghinhaạn igey phọ buphẹ r’ophoophe aloor robeḍenhọm ghan bọ olhegheri iyaạr abidị. (Luk 10:21) Ka/tuạn oḅeraạn awe kụ aguphogh ghan raraạr mem dị nạ ratuughạ. R’osooromhi aloor, nme ḍiitughiạn phọ anạ eḍighi maạr dị i/ḅọph r’ipẹ Enhaạn.

Naghạn ghan suọr Omhạr phọ. Asuọr emoọgh ni iikpọ otir ekpom mọ ayira. Esi iduọn phọ, eḍighi maạr dị nạ anhaghạn ḍuor Omhạr phọ kụ agbi omhiigh ituughạ phọ, keḍighi idị araraạr phọ nạ ratuughạ bọ ilọ aZihova ketir ekpom anạ.