Eeghe Kụ Isabị Oḅaạl-Ologhi Adọl Eghunotu?

IDỊ ABAIBUL PHỌ AḄẸM

“Oḅaạl-ologhi odianaan ni buphẹ ronaghạn ghan bọ ekpo-onhụ phọ Enaạn koḅilẹ ookọ!”—Luk 11:28, New World Translation.

ASUỌ DỊ OMEERAAM IPẸ PHỌ KENGỌ NYINẠ

Omoọgh okạr ephomoghiạn. —Efesọs 5:28, 29.

Oghelọm egey eghuan.—Efesọs 5:33.

Omoọgh ogey oghoph.—Mạk 10:6-9.

YIRA KOTUE NI OKẠR OMEERAAM IPẸ ABAIBUL PHỌ RAKAẠPH BỌ?

Ii, eghom ephughạn pọ esi iyạl ariphigh:

• Enaạn kụ oye phọ Amiteom bọ dọl eghun-otu. ABaibul phọ aḅẹm mọ ‘oomo arughun-otu . . . eḍua esi’ aJihova Enaạn phọ kụ etu. (Efesọs 3:14, 15) Oḅạ enhọn eten pọ, iikolobian eghunotu phọ edi ghan loor esi dị aJihova kụ alhẹm aseere. Eeghe kụ iḍighi kụ ipẹ phọ emạn bọ maạr?

  Tuutughiạn iphẹn phọ: Eḍighi iyaạr dị nạ rakelọm eḍiẹn dị redụgh kụ nạ awạ olhegheri aani araraạr phọ osaạm bọ, nạ kapuru anhiạn? Nạ kapuru oye phọ asạ bọ.

  Dị eghịgh ipẹ phọ, owạ omiịn araraạr dị komooghọm oḅaạl-ologhi adọl eghunotu, kenighẹ ni dị yira kopuru aJihova, oye phọ Amiteom bọ iikolobian eghun-otu phọ.—Jenesịs 2:18-24.

• Enaạn amoọgh ni ogbolomaam esi anạ. Eḍighi ni osụ-ologhi dị arughun-otu phọ kowạ iromoghiom aJihova, ipẹ odị amiteom bọ ni dị eego esi Ekpo-onhụ phọ odị. Eeghe kụ iḍighi? “Idị eḍighi bọ odị kụ riiko inyina.” (1 Pita 5:6, 7) AJihova raatughianạm ghan ni nyinạ igey—kụ oroma odị ranighẹ ghan ni oomo amem!—Asidogh phọ 3:5, 6; Aizayạ 48:17, 18.