Torobọ Iiḅaghamhị Emoọgh Ni Ḍio Dị Kesi Eekunha

Yira kotue ni onuụn oḅonyonhu ozuan loor esi iiḅaghamhị dị eghịgh mudị re/si eekunha. ADevid alhegheri ni mọ iiḅaghamhị phọ Uw-emhạ phọ Sọl rangọ bọ nyodị kesi ni eekunha ḅilhẹ mọ onọ kaḍighi ni uw-emhạ idiphọ aZihova maguan bọ. (1Sa 16:13) Omheeraam mọ aDevid kụ alhoghonhaạn bọ nyodị ḍighaạgh okparạm okori aZihova.

Mem dị yira osoman iiḅaghamhị, orọph omhiịn, olhegheri-iyaạr obobọ igey iikpọ iitughiạn ketue ni ilhoghonhaạn iyira ḍighaạgh okpetenhaan iiḅaghamhị phọ. (1Sa 21:12-14; Pr 1:4) Toroboiperolbọ, eeni amem ghalhamọ yira usighẹ ni sinhị-iilhogh aBaibul phọ oḍighinhom, iniin iiḅaghamhị ayira ke/meera eḍuạ. Mem dị eḍighi iduọn phọ, ewạ mọ okparạm okoriom aZihova. Moọny amem odị kasiemhi ni eekunha imhinhimhiịn kụ aḅilhẹ ‘agbuurogh oomo izin riḍien’ ayira. (Ogan 21:4) Mughumọ aZihova kụ aḍighi iyaạr osiemhi eekunha iiḅaghamhị phọ ayira nyiidiphọ obobọ ikunhughian ni bịn, eniin iyaạr edi ni dị yira okuphom owol: Torobọ iiḅaghamhị emoọgh ni ḍio dị kesi eekunha. Olhegheri iphẹn phọ ketue ni iidereghị iyira.

IPOGH VIDIO PHỌ AWE DỊ OḄỌPH AḄIRINHI DỊ ADIA, KỤ EPHANYANHAẠN SIPURU PHỌ EDAPHẠN BỌ SIẸN:

• Ighẹn ipaanhaạn kụ edị abuniin aKristẹn osoman epẹ esoorom aUnited States?

• Ika kụ idị bidị oḍeenhaan okparạm r’ephomhoghiạn?

• Ika kụ idị bidị ogbon osọn ghan “ipẹ esooran bọ”?—Fil 1:10