AZihova Rulhoghonhaạn Ghan Ni Iyira Ḍighaạgh Mem Iiḅaghamhị Ayira

Siẹn asiḍio aruukunha phọ, yira rosoman ghan ni ibadị iiḅaghamhị. Kụ etọl mem, bịn kụ yira olhoghoma mọ iiḅaghamhị phọ ayira ipel iyira okparạm. Toroboiperolbọ, eru maạr lọ yira oḍuraany otuman aZihova, odị kakạr kulhoghonhaạn iyira ḍighaạgh okparạm ghalamọ r’iiḅaghamhị dị yira mootughiạn kụ esi okpaariọm i/lo. (Isa 43:2, 4) Ika nuụn kụ idị yira koḍuraany bọ otuman aZihova mem dị yira rokaran iiḅaghamhị?

Ḅeeḅereghị. Mem dị yira ooku ekpom ayira ongọ aZihova, odị rungọ ghan ni iyira eephọ ekpom r’inyaạm okparạm.—Fil 4:6, 7; 1Tẹs 5:17.

Ituughạ. Dị epel idị merọl ghan, yira omoghi eḍien aruwaloor phọ r’oobughonhaan phọ aZihova r’amiteom ghan bọ epẹ ituughạ phọ ayira. (Hib 10:24, 25) Mem dị yira ookolhobian, oghị aani, ḅilhẹ ophinhọm bin epẹ ituughạ ookpomhoghan phọ, yira r’okelhọm ghan ni olhoghonhaạn aḍighaạgh uwaloor phọ aZihova ibadị areten.—Ogan 2:29.

Oḍighi Omhạr Phọ. Kidughanhaan iyira ogbon imạ araraạr eḍighi maạr dị yira oḍighi oomo ipẹ yira kotue bọ ophinhom aani abin oḍighi Omhạr phọ. Yira koḅilhẹ kẹn okparamhị siya arighirị phọ ayira r’aZihova ḅilhẹ r’abuẹn r’ayira odi bọ oniin phọ oḍighi phọ.—1Kọr 3:5-10.

IPOGH VIDIO PHỌ AZIHOVA K’ALHOGHOMẠ NI NYINHẠ, KỤ EPHANYANHAẠN SIPURU PHỌ EDAPHẠN BỌ SIẸN:

• Eeghe kụ ilhoghonhaạn ḍighaạgh Malu oḍuraany otuman aZihova mem iiḅaghamhị phọ odị?

  Your answer

• Idiphọ aMalu, ikạ kụ idị ikpo-onhụ phọ edi bọ Psalm 34:18 kingọ iyira iidereghị mem iiḅaghamhị ayira?

  Your answer

• Ika kụ idị ipẹ emitenhaan bọ Malu eḍeenhaan mọ aZihova r’ungọ ghan ni iyira “iikpọ” dị epu ipẹ ayira mem iiḅaghamhị?—2Kọr 4:7

  Your answer