Tuughạ Iyaạr Esi Asifoto Phọ

Arinyạ phọ ayira reḅarạm ghan ni sifoto dị ritughemhị ghan iyira ikpanhạ araraạr. Ika kụ idị nạ kakạr amooghọm suọ obobọ atuughạ iyaạr siphẹ asifoto phọ?

• Pụr aaphoghogh sifoto phọ kụ agbi omhiigh aạl. Asifoto phọ etue ni eḍighi idị kesoghoḍị nyinhạ aạl emhuoghaạph phọ. Mem dị ariḍien ayira emhiịn emạ ekpạ eḍien, riphụ ghan ni iyira olhe. Esi iduọn phọ, kụ nạ agbi aạl, puruan loor mọ, ‘Eeghe asifoto kụ edị mị amhiịn?’—Amos 7:7, 8.

• Iduọn nạ rabạl bọ emhuoghaạph phọ, tuutughiạn iyaạr phọ eḍighi bọ kụ olhoghọm bọ afoto phọ. Bạl igẹ afoto phọ r’ipẹ oghaạph bọ ilọ afoto phọ. Ḅeeḅeghiọn ipẹ afoto phọ agbolhomaam bọ emhuoghaạph phọ nạ rabạl bọ r’iyaạr dị nạ atuughạ.

• Nạ r’aạl emhuoghaạph phọ r’omhạn, ḅilhẹ aaḅula aphogh sifoto phọ orue ootughiạn ikpanhạ araraạr phọ nạ atuughạ bọ. Ipẹ reten kụ akpereghi ḍinyạ phọ, ophogh mughumọ nạ atue ni aatughiạn sifoto phọ r’iyaạr phọ nạ atuughạ bọ ilọ asifoto phọ.

• Ḅilhẹ aphogh sifoto phọ edi bọ siẹn Otu Okoriom mọ ophọn phọ, kụ aphogh mughumọ nạ atue ni aatughiạn raraạr phọ etughemhị bọ nyinhạ.