Ariisi oghị omhiịn ophanyanhaạn asipuru Aḍinyạ Ituughạ Ogboku Awiki Phọ
NOVEMBER 6-12
ARUPHUA DỊ OSIGHẸ SIPHẸ EKPO-ONHỤ PHỌ ENAẠN | AMOS 1-9
“Iwạ aJihova, Obọ Eghị Ghisigh Erọl Ghan”
w04 11/15 24 ¶20
Iwạ aJihova, Opọ Raaḅeghiọn Ghan Bọ Rokpom Kaphogh
20 I/dughanhaan we phọ orọl ghan bọ epẹ Izrạl orọl adọl dị ekpẹ oḍuomolhoghi oghị esi aJihova mem mọ opọ phọ. Ḍio phọ arodon, rikparanhaạn ghan ni iyira okạ otuḅurụ phọ, mughumọ yira iḍoọgh obobọ ikumor awe. Ghalhamọ r’iduọn phọ ni bịn, ephomhoghiạn Enaạn ḅilhẹ r’eephuạ oḍighi idị eḅeeraạn nyodị inyu ni buniin awe phọ Izrạl ophamhanhạm igey iiseeny. AJihova amhạgh ni bidị ḍimhạgh eenyuụm mọ ogẹ bọ siphẹ aḍinyạ phọ Amos 5:4: ‘Iwạ imhị, obọ erọl.’ Ḍio arodon, nyoniin phọ onmạ ighirigiir phọ kụ edị aJihova raḍeenhaan ghan kaghị esi abuphẹ mokiton bọ esi ikarạph ph’abidị, kụ rowạ nyodị esi otuughạ ghan ilọ ogey olhegheri iyaạr Ekpo-onhụ ph’odị ḅilhẹ roḍighi ghan ogbi phọ odị. Iphẹn phọ i/dugh oḍighi, kuolọ kingọ iyira ghuḍum k’agee-pọ eḍighi maạr lọ yira okparaghạ ni oḍighi.—Jọn 17:3.
jd 90-91 ¶16-17
Kumu AJihova Idị Edaphạn Siigbu Phọ Odị Eghị Bọ Anyụ Iboom
16 Oḅẹl oye phọ Adam, asopha ni okarạph osopha idị egbolhomaam siigbu oye phọ odị kadaphạn bọ ilọ igey r’ikarạph. Yira kosopha ni ogey osopha ḍughụm? Amos uromhoghiom iyira omhoọgh oboom ogbolhomaam ilọ iphẹn phọ, esi okpaariọm ayira mọ: ‘Ilọgh ḍien ipẹ eeph bọ, kụ ephomhoghiạn ipẹ enhighẹ bọ.’ (Amos 5:15) Oniin oye dị atughemhị ghan runhụ aḍiaḅạ, ogbogh asukul epẹ Chicago dị oghol mọ William Rainey Harper, aghaạph ni iyaạr ilọ ekpịgh phọ ephẹn phọ kụ aḅẹm mọ: “Asiigbu igey r’ikarạph phọ erọl bọ olhoghi [Amos’], emoọgh muuḅọph r’ogbi phọ aYahweh.” Ephẹn phọ eḍighi eniin iyaạr dị yira otuughạ ḍighaạgh 12 ariil phọ. Yira ookolhobian ni odaphạn asiigbu phọ aJihova ilọ igey r’ikarạph ḍughụm? Oganhanhamhi ni uḍeenhaan iyira siigbu phọ iphẹn phọ siphẹ aBaibul phọ, kụ aKristẹn phọ abuphẹ osilor bọ, oḍighi bọ ‘ebenhẹ phọ ekpẹ bọ oḍuom olhoghi ḅilhẹ esụ bọ olhoghi’, kụ rogbạ ghan koogholhomhi uḅenhị iyira—Matiu 24:45-47.
17 Olhọgh ghan aḍien raraạr phọ ipẹ eeph bọ rilhoghonhaạn ghan iyira ḍighaạgh oḍuạ esi araraạr dị Enaạn i/ḅeeraạn. Esi omaạm, oye atue ni alegheri odọ ooto’rosooromineen dị odi ghan esi ophoogh ghan asifoto aradaḅạ siphẹ intanẹt phọ, kụ eeni akparaghạ owilhẹ ophogh ghan. Kuolọ, ika kụ idị ‘oye olhoghi ph’odị’ raloghoma ghan ilọ iraraạr phọ odị amhiịn bọ siphẹ intanẹt phọ? (Efesọs 3:16) Esi osighẹ ghan oḍighonhom iromhoghiom mọ Enaạn omhiịn bọ siphẹ Amos 5:15, kụ keḍighi idị kedughanhaan nyodị olhọgh aḍien ipẹ eeph bọ. Bịn odị marue akpạr apu iiḅaghamhị phọ odị.
Oguphogh Owạ Imạ Araraạr Dị Edi Siphẹ ABaibul Phọ
w07 10/1 14 ¶8
Oghaạph Ookaragh Arinyạ Phọ AJoel r’Amos
2:12. Yira ku/kaaphọgh ghan raraạr dị kedughe bukọy eten phọ, bupoghom eghir, simisonarị, obobọ budị rokumu epẹ Bethel, esi okpaariọm ghan abidị mọ owilhẹ rukumuan oomo amem mọ abidị, oru owạ igbogh aḅirinhi phọ ophọn phọ raguul bọ. Kparipẹ ghụn, okparamhị ghan bidị oghiọm aghisigh imạ iiḍighi ph’abidị.
w07 10/1 14 ¶6
Oghaạph Ookaragh Arinyạ Phọ AJoel r’Amos
8:1, 2—Egunhum iimhumha aghozogh’ phọ remạ ghan eeghe? Imạ ghan eḍeenhaan mọ aḍio phọ aJihova mekpụl. Ukụ ghan iimhumha aghozogh phọ siphẹ eekunha alhạ phọ, obobọ eekunha alhạ ibugha phọ. Kụ iḍighi kụ mem mọ aJihova aḍeenhaan bọ Amos ‘egunhum iimhumha aghozogh phọ’ imạ ghan eḍeenhaan mọ eekunha awe phọ Izrạl kụ mekpụl. Esi iduọn phọ, Enaạn iḅenhị ni Amos mọ: ‘Eekunha awe phọ amhị Izrạl mekpulhạn. Mị bidị ka/bilhenhaạn mun.’
NOVEMBER 13-19
ARUPHUA DỊ OSIGHẸ SIPHẸ EKPO-ONHỤ PHỌ ENAẠN | OBADIAH 1–JONAH 4
“Sighẹ Ipẹ Emitenhaan Bọ Nyinhạ Atuughaạm Iyaạr”
ia 114 ¶22-23
Odị Atuughạ Ni Iyaạr Esi Asipiomạn Phọ Odị
22 K’okaạph ika ilọ ipẹ emitenhaan bọ Jona? Onhaghanhạn ph’odị atughemhị ni nyodị ongọ ghan aḍisẹph aJihova ḍughụm? Ii. Mem dị odị m’arọl iraạr aḍughul r’iraạr ootaany, ena phọ iphạm ni Jonah eghị esiemhi epẹ ogbạl ophiịny phọ kụ ‘ekuḅa Jona emiteom ḍigharaghạr ade.’ (Jonah 2:10) Gbiom olhoghi anạ iphẹn phọ—ghalhamọ r’iduọn aJona arọl bọ olhoghi okuruḅakạ ena phọ, odị kụ o/mhughị ophun! Kuolọ iwạ ni mọ odị kụ alhegheri ipẹ odị katelhe bọ aḍuạ siphẹ ogbạl ophiịny phọ. Kụ odị agbi bọ ogbatạn edạ, toroboiperolbọ, eegharạ oḍeenhaan ghan aḍisẹph ph’odị iḍigh ni esi owaaghị ophogh. Siphẹ Jonah 3:1, 2, eḅẹm mọ: ‘Kụ ikpo-onhụ phọ aJihova eru eteẹny Jona omhunhenhiom iyạl amem, kụ eḅẹm mọ: “Ḅetenhu, kụ aghị epẹ egbogh emhạ phọ Nineve, kụ agbeelhom aḅenhị nyodị dom mọ mị raḅenhị bọ nyinhạ.”’ AJona kaḍighi ikạ nuụn?
23 AJona oo/kpukiạn. Yira aạl mọ: ‘Mem mem mọ, bịn aJona aḅetenhu ni anyeenhe Nineve odaphạn ikpo-onhụ phọ aJihova.’ (Jonah 3:3) Okạr agey, odị anhaghanhạn ni. Eegholhaany ni mọ, odị atuughạ ni iyaạr esi asipiomạn ph’odị. Yira kotue ni otuughaạny aani omheeraam mọ aJona. Idị eḍighi bọ; oomo ayira roḍighi ghan ni ikarạph koḅilhẹ opiomạn. (Rom. 3:23) Kuolọ yira komeel li bịn oḅolholho, obobọ yira kotuughạ ni iyaạr esi asipiomạn phọ ayira, okiton omiigh onhaghanhạn aJihova ḍughụm?
Oguphogh Owạ Imạ Araraạr Dị Edi Siphẹ ABaibul Phọ
w07 11/1 13 ¶5
Oghaạph Ookaragh Arinyạ Phọ Obadiah, Jonah, ḅilhẹ r’AMicah
10—Ika kụ idị Edom ‘aphe bọ bịn k’agee-pọ’? Idiphọ oghaạph bọ ni, eelhe phọ Edọm, itooghị ph’odị ḅilhẹ r’awe ph’odị orọl ghan bọ pakirị isiẹn ade phọ, uphe ni. Uw-emhạ phọ aBabilọn Nabonidus akpạr ri apu we phọ Edọm, siphẹ ogbo okuron asiạ phọ aḍighi bọ odiiny B.C.E. Omhunhenhiom inya okuron asiạ phọ B.C.E., awe aNabataea phọ usighẹ ni ekool phọ Edọm, bịn eḍighi idị awe phọ Edọm ookoroghian ogheel pakirị esoorom aJuda, ekool awe aNegeb phọ oḅilhẹ bọ olhegheriom mọ awe Idumea iduọn asiạ phọ rekị bọ. Awe aRom rophiemhi bọ Jeruselem lhạ pho 70 C.E., bịn eelhe phọ Edọm iphe ni.
jd 112 ¶4-5
Orolhạn Ghan r’Abunhọn Eten Phọ Epẹ Enaạn Rewạ Bọ
4 Nạ katue ni atuughạ iyaạr esi eḍighinhom iyaạr phọ Edọm Enaạn eghel bọ, buẹn phọ orugh bọ otuman we phọ Izrạl: ‘Ke/meerạ ghan kụ ephoghoghom bumor anyinha mem dị ekarạph emhụgh emheelhom bidị; ḅilhẹ i/bo ghan ḍio phọ aḍiphẹ ropiemhi bọ nmụny phọ aJuda.’ (Obadiah 12) Kotue ni oḅẹm mọ awe phọ aTayạ oḍighi ‘bumor’ Izrạl loor esi aḍighi phọ bidị omhuul ghan bọ r’abidị, kuolọ awe phọ Edọm ukạr kụ oḍighi ‘bumor’ Izrạl, idị eḍighi bọ bidị uḍuạ eemharạ Isọ kụ omite, opọ r’aJekọb omhạr bọ iyạl phọ. Ghalhamọ aJihova kẹn bịn amhạgh ghan we phọ Edọm mọ ‘abumor’ Izrạl. (Deuteronomy 2:1-4) Kụ iḍighi kụ, ikạr kụ eḍeenhaan mulhọgh ḍien omhiịn dị awe phọ Edọm r’obo mem mọ awe phọ aBabilọn ozuoghom bọ buọ aJu phọ.—Ezekiel 25:12-14.
5 Okạr agey, ipẹ awe phọ Edọm ozọ bọ oghị esi awe aJu phọ oḍighi bọ bumor abidị Enaạn i/ḅeeraạn. Yira otue ni opuru mọ, ‘Ika kụ idị Enaạn repogh ghan ipẹ mị razọ ghan bọ k’aghị esi abumor phọ amị?’ Eniin eten dị ewạ ozuumaam ophogh, pọ ipẹ yira rozọ ghan bọ koghị esi abumor ayira mem dị araraạr re/kị imạ. Esi omaạm, oḅẹm mọ onyọ umor apiomạn nyinhạ obobọ onyọ asiya odị r’anạ kụ imhoọgh iiḅaghamhị. Kụ ‘oye phọ akạr ri apiomạn nyinhạ,’ nạ kakạgh ni olhoghi, bịn abilhẹ oghị oghaạph oḅophoghị ḍughụm? (Kolosi 3:13; Joshua 22:9-30; Matiu 5:23, 24) Nạ aḍighi iduọn phọ pọ ketir ri iḍighinhom araraạr phọ anạ r’onyọ umor phọ; ketue kẹn ni eḍighi idị nạ kabilhẹ orelhean ghan odị, kụ akaạph ghan ikarạph ilọ odị aḅenhị bunhọn. Kokaạph ika, eḍighi maạr dị onyọ umor phọ r’anạ emhoọgh bọ iiḅaghamhị phọ, apiomạn siẹn ookpomhoghan phọ kụ ikumor awe phọ oḅaạm obobọ olhiọm nyodị. (Galetia 6:1) Nạ kaḍighi ni idiphọ awe phọ Edọm oḍighi bọ, mem dị onyọ umor anạ asoman iiḅaghamhị ḍughụm? Enaạn rewạ m’ozọ ika?
NOVEMBER 20-26
ARUPHUA DỊ OSIGHẸ SIPHẸ EKPO-ONHỤ PHỌ ENAẠN | MICAH 1-7
“AJihova Rawạ Eeghẹ Dighaạgh Ayira?”
w08 5/15 6 ¶20
Ika Kụ Idị Yira K’ozoọm Ghan Bunhọn?
Odaphạn ephoghom aJihova, amasian phọ ayira r’abumor phọ aḍighi ni iyaạr dị emhạn maạr siphẹ iiseeny phọ yira rongọ ghan bọ nyodị. Arikiạ inhạm i/moọgh ghan maạr oḍighinhom esi aJihova, eḍighi maạr lọ abuphẹ oghị bọ ophighirọn ekiạ phọ omhoọgh iikpalaghiạn r’abumor phọ abidị. (Mic. 6:6-8) Esi iduọn phọ, aJizọs akpaariọm ni butelhedom mọ odị mọ, “nuụn aghị egbạ ephomoghiạn.” (Mat. 5:25) Dị eghighimaạm iphẹn phọ, aPọl agẹ ni mọ: “Iyaạr eghạgh iloghi anyina, ke/tuạn ghan ighạgh iloghi phọ epioghọm sipioghọm. Ighạgh iloghi phọ anyina ki/tọl ghan oomo emụ aḍio.” (Efẹ. 4:26, 27) Eḍighi maạr lọ iyaạr repin esi ayira loor esi iyaạr dị oye uḍighi iyira, pọ ewạ mọ yira oogboronhom ghan oghị oolemhi raraạr obọ yira kongọ ghan bọ eepoogh eru phọ.—Luk 17:3, 4.
w12 11/1 22 ¶4-7
“AJihova Rawạ Eeghe Ḍighaạgh Anạ?”
“Omhoọgh elhiom-ooruẹn.” Ekpo-onhụ aHibru phọ oghol bọ mọ “elhiom-ooruẹn,” odaphạn idị aḍiniin aḍinyạ eghaạph, pọ “eḅaramaạm omhoọgh asiya dị aḍighi olọ arilhiom ḅilhẹ aaleeny siphẹ ekool ph’anạ.” Enaạn iḅenhị iyira mọ ozọ ghan oghị esi abunhọn idị edaphạn r’asinhị-iilhogh phọ odị. Yira roḍeenhaan ghan elhiom-ooruẹn mem dị yira u/lọgh we iiseẹny, kụ omhaạr ooleeny, ḅilhẹ ogbạ ghan agey siphẹ iiḍighi phọ ayira r’abunhọn. (Leviticus 19:15; Isaiah 1:17; Hibru 13:18) Mem dị yira ozọ eten dị emhaạr eeleeny oghị esi abunhọn, kụ edị bidị kozọ aani imạ eten otu esi ayira.—Matiu 7:12.
“Ophomhoghiạn igbiririph.” Enaạn iḅenhị iyira mọ ku/ḍeenhaan ghan igbiririph bịn, kuolọ mọ ophomhoghiạn ghan. Ekpo-onhụ aHibru phọ oghol bọ mọ “igbiririph” (cheʹsedh) kotue kẹn ni ogbạ idiphọ “ephomhoghiạn-igbiririph” obobọ “ephomhoghiạn oḅạr.” Oniin onyọ asukul aBaibul phọ aḅẹm mọ: “Ephomhoghiạn, onmạ ighirigiir, obobọ igbiririph bịn ke/tue egbạ ekpo-onhụ phọ oghol bọ mọ [cheʹsedh]; kuolọ, amem dị oḅạr oomọ phọ idị oḅophoghị.” Mem dị yira ophomhoghiạn igbiririph, yira ronyaaghiạn ghan ni oḍighi omiteom; esi olhoghonhaạn ghan aḍighaạgh we dị ekuom. Mem dị yira oḍighi iduọn phọ, yira kologhoma ni ibo phọ reḍuạ ghan bọ kemite esi ongọ ghan.—Iiḍighi 20:35.
“Olhegheri esi dị inyaạm anạ esi kụ orelhean ghan Enaạn.” Siphẹ aBaibul phọ, ekpo-onhụ phọ eḅẹm bọ mọ ‘orelhe’ remạ ghan “odaphạn okol eḍighinhom iyaạr.” Yira rotelhean ghan Enaạn mem dị yira odạph okol aghuḍum mọ odị amạ bọ amiteom siphẹ aBaibul phọ. Ewạ mọ ‘yira olhegheri esi dị inyaạm ayira esi’ siphẹ okol aghuḍum mọ yira rodạph bọ. Eghe kụ iḍighi? Iphẹn phọ kiloghonhaạn iyira ḍighaạgh olhegheri esi dị inyaạm ayira esi, ḅilhẹ r’inyaạm mọ ayira ghisigh Enaạn. Esi iduọn phọ, “olhegheri esi dị inyaạm anạ esi kụ orelhean ghan Enaạn” remạ ghan olegheri araraạr phọ ipẹ odị rawạ bọ, r’ipẹ yira kotue bọ oḍighi.
Yira rosẹph ni aJihova, esi iduọn odị ra/wạ ghan bọ idị yira ko/tue oḍighi ongọ nyodị. Odị rasighẹ ghan ni rukumuan ayira odaphạn ipẹ inyaạm mọ ayira esi bọ. (Kolosi 3:23) Odị alegheri ni sidugh phọ ayira. (Psalm 103:14) Mem dị yira olhọgh elhegh sidugh phọ ayira kẹn, yira kotelhean ghan ni nyodị r’ibo. Uḍighi ika kụ nạ otuughạ bọ ipẹ nạ katue bọ amiighom orelhean Enaạn? AJihova kasẹph ni nyinhạ, eḍighi maạr lọ nạ aḍighi iduọn phọ.—Proverbs 10:22.
Oguphogh Owạ Imạ Araraạr Dị Edi Siphẹ ABaibul Phọ
w07 11/1 15 ¶6
Oghaạph Ookaragh Arinyạ Phọ Obadiah, Jonah, ḅilhẹ r’AMicah
2:12—Apụr amem kụ edị imiịn ilọ ‘oḅilhẹ ookpomhoghi abusughenheen phọ Izrạl’ emhunhughan bọ? Oḅẹl omhunhughan phọ aḍighi lhạ phọ 537 B.C.E. mem mọ abusughenheen aJu phọ orọl ghan bọ dọl arebenhẹ phọ epẹ Babilọn oḅula bọ epẹ ade phọ abidị. Siẹn amem mọ ayira, imiịn phọ iphẹn phọ emunhughan esi “Izrạl phọ Enaạn.” (Galetia 6:16) Emhiigh lhạ phọ 1919, mookpomhoghi ni Kristẹn phọ abuphẹ osagharạn bọ uwaloor iigbia phọ ‘idiphọ egu iyool dị edi olhoghi oghoony abidị’. Dị oḅọph ‘r’aḍigbogh aḍita phọ’ abuẹn oḍighi bọ “inọn iyool” phọ, emhiigh lhạ phọ 1935, bidị ‘moopaany’ siẹn ade phọ. (Ogananami 7:9; Jọn 10:16) Oomo abidị oḅophạn, kụ ropophe igey iiseeny r’oophugh.
w03 8/15 24 ¶20
AJihova Rawạ Eeghe Ḍighaạgh Ayira?
Aḍisẹph phọ aJihova rinyu ghan iyira otuughaạny odọ uwaloor phọ aMicah aḍeenhaan bọ. Odị aḅẹm mọ: ‘Mị kaḍeenhaan ni eegharạ okori ghan kụ akị esi Enaạn apelieẹny phọ amhị.’ (Micah 7:7) Ikpo-onhụ phọ iphẹn phọ emoọgh eeghe iyaạr oḍighinhom r’eten phọ epẹ yira osereghian bọ kụ rotelhean Enaạn? Omhoọgh ghan eegharạ okori ghan, obobọ okparạm, rilhoghonhaạn ghan iyira ḍighaạgh oghel iitughiạn olhoghoma amabi esi iduọn aḍio phọ aJihova ke/ru bọ. (Proverbs 13:12) Ogbạ agey, oomo ayira rokori ni r’ikpukpụ omhiịn amem mọ kosiemhi bọ eekunha okarạph aḅirinhi phọ ophọn. Toroboiperolbọ, asimuonịr awe romite ghan ni orelhean r’Enaạn torobọ awiki. Olhegheri iphẹn phọ, reḍighi ghan iyaạr dị yira roḍeenhaan ghan eegharạ okori ghan. Oniin onyọ umaranhi dị magbeelhom iiḅi iinhaghạn phọ siẹn 55 asiạ aḅẹm mọ: “Emhiigh k’amem mọ mị amhiigh bọ oḍighi igbeelhom mọ, mị ameeraam ni akuphom owol mọ mị ko/roph r’eniin iyaạr esi okori ghan aJihova. Kparipẹ ghụn, m’ighoph imhị esighẹ esi ibadị ariiphinha ekpom.” Kokaạph aani ika ilọ anạ?
NOVEMBER 27–DECEMBER 3
ARUPHUA DỊ OSIGHẸ SIPHẸ EKPO-ONHỤ PHỌ ENAẠN | NAHUM 1–HABAKKUK 3
“Mhaamhanham Eten Aruwaloor kụ Aḅarạm Iiḍighi”
w07 11/15 10 ¶3-5
Oghaạph Ookaragh Arinyạ Phọ ANahum, Habakkuk, ḅilhẹ r’AZephaniah
2:1. Idiphọ aHabakkuk, ewạ mọ yira oomhanham eten aruwaloor kụ oḅarạm iiḍighi. Ḅilhẹ kẹn ookolhobian oolemhi ghan iitughiạn phọ ayira mem dị “uḅaạm,” iyira obobọ uulemhi iyira.
2:3; 3:16. Iduọn yira rokori bọ eeruenheen aḍio phọ aJihova r’omeeraam, ku/bulhamaam mọ reegboronhom ni.
2:4. Orue okpetenhaan aani aḍio iiruẹn phọ aJihova retu bọ, ewạ mọ okparạm eten dị ekpẹ oḍuom olhoghi.—Hibru 10:36-38.
Oguphogh Owạ Imạ Araraạr Dị Edi Siphẹ ABaibul Phọ
w07 11/15 9 ¶2
Oghaạph Ookaragh Arinyạ Phọ ANahum, Habakkuk, ḅilhẹ r’AZephaniah
2:6—Ighẹn “arunhụ aḍibuo ariphiịny” kụ edị oghunyon bọ? Arunhụ aḍibuo phọ iphẹn phọ remạ ghan ropogh phọ ipẹ arumuụm Ophiịny aTigris ekpurion bọ pạ iikpe phọ aNineve. Lhạ phọ eḍighi bọ 632 B.C.E. mem mọ awe eghạm mọ aBabilọn r’aMedes oḍighan bọ ozuom aNineve, eelhe phọ aNineve u/kạr uukpereghaan. Loor esi oghoph iboom iikpe ph’abidị, ighịgh esi abidị mudị ko/tue ni bịn oḅom iboom iikpe pho abidị oḍigh. Kuolọ, ogbogh olophiạ aḍighi ni iyaạr dị ophiịny phọ aTigris amuza akilhogh. Odaphạn Diodorus onyọ iphirigba phọ, odị aḅẹm mọ “esi olhoghonhaạn aḍighaạgh amuụm ophiịny phọ m’akilhogh bọ aḍigh emhạ phọ, awe eghạm mọ urue ni bịn oḅom iboom iikpe phọ oḍigh.” Esi iduọn phọ bịn arunhụ-aḍibuo ophiịny phọ eghunyonhu, odaphạn ipẹ oghaạph bọ, bịn egina amem okpạr opu Nineve mudị aniạn kụ r’elaạy ipherephẹr ireeny.—Nahum 1:8-10.
w07 11/15 10 ¶10
Oghaạph Ookaragh Arinyạ Phọ ANahum, Habakkuk, ḅilhẹ r’AZephaniah
3:17-19. Ghalamọ r’iduọn yira kosoman bọ ni ḍikparaminheẹn kụ egbi oteẹny Armageddon, r’amem mọ eghạm mọ kekạr bọ emiigh, yira omeeraam ni okuphom owol mọ aJihova k’ungọ ni iyira inyaạm mọ ipẹ rewạ bọ, iduọn yira oghiọm bọ ni ghisigh rokumu nyodị r’ibo.