ITUUGHẠ 15

Kaaphọm R’okuphom Owol

Rom 8:38, 39

OGHAẠPH OOKARAGH: Ḍeenhaan mọ nạ ameeraam ni mọ ipẹ nạ rakaạph bọ etu ni inẹ eḅilhẹ emạn maạr.

Maạr aakolhobian. Tuughạ oghaạph ph’anạ tutụ nạ anhaghanhạn ipẹ ikpanhạ araraạr phọ emhoọgh bọ muḅọph r’aBaibul phọ. Kparaghạ osighẹ iyạl ikpo ikpo-onhụ bịn ogbaạm ikpanhạ araraạr oghaạph phọ. Gbon owạ areten dị keloghonhaạn ḍighaạgh buphẹ nạ ratughemhị bọ. Lọm uwaloor iigbia ph’aJihova.

Omhiịn ariisi onhighemhị r’oḍighi idị oghaạph ph’anạ kale loor anạ, pọ ḍighi ghan aphogh ipẹ nạ maakolhobian bọ.
Ḅaạm ikpo-onhụ dị eḍeenhaan okuphom owol. Kparipẹ r’aạl ipẹ ogẹ bọ siphẹ aḍinyạ phọ, kaaphọm ghụn ikpo-onhụ ilọ anạ. Saḅạr ikpo onhụ dị eḍeenhaan mọ nạ akạr ri alegheri ipẹ nạ rakaạph bọ.
Kaạph idị eḍeenhaan mọ nạ akuphom ni owol. Eḍọgh anạ emhaạr emite esi esi dị ekasiạn. Tọl ghan ni mem aphogh buphẹ nạ rakaaphạn bọ.

Oḍighi iduọn phọ pọ miigha ghan loor kụ aghaạph, ka/kaạph ghan mudị nạ kụ ulegheri amạn, obobọ mudị nạ rakpaariọm ni we phọ. Ghalhamọ nạ rakaạph ni r’okuphom owol, eḍighi ilọm dị eḅarạm ephomhoghiạn r’olhọgh eegu.