ITUUGHẠ 11

Oophugh

Iiḍighi 18:24, 25

OGHAẠPH OOKARAGH: Kaaphọm r’oophugh obọ eroor eḅilhẹ enyu buphẹ nạ rakaaphạn bọ.

Oghaạph phọ atir aani ni nyinhạ. Iduọn nạ raakolhobian bọ ongọ oghaạph phọ, tuutughiạn ghan ipẹ adom mọ emhạn bọ maạr. Kuamhị alhegheri oghaạph ph’anạ asiemhi esi dị nạ katue ni bịn akaạph idiphọ.
Tuutughiạn ilọ abuphẹ nạ kakaaphạn bọ. Gbiran ghan ipẹ esi phọ nạ kabạl bọ obobọ katughemhị bọ k’engọ bọ suọ buphẹ konaghạn bọ. Wạ reten ongọ oghaạph phọ dị abuphẹ ronaghạn bọ komooghọm suọ.
Lọgh ghuḍum oghaạph phọ. Kaaphọm r’oophugh. Maaghiạn ghan ni eten eseeriom ḅilhẹ aghisigh ph’anạ aḍeenhaan ni ipẹ nạ alhoghoma bọ.

Gona loor, ka/moọgh eniin eten imaaghiạn dị olhegheriom nyinhạ obọ kegbaragbaramhị ghan bọ we phọ. Imaaghiạn anạ emhoọgh ghan emhụ. Miteom ghan oophugh mem lọ nạ ratughemhị ekpanhạ iyaạr siphẹ oghaạph phọ, ḅilhẹ r’amem lọ nạ rawạ mọ etir buẹn ronaghạn bọ oḍighi iyaạr omiteom. Ka/ḍighi idị kepẹr buẹn nạ ratughemhị bọ esi ophamhanhạm oniin phọ oophugh phọ k’emhiighom oghaạph phọ bịn k’eekunha.