Gbạ Aagholhomhi Esi ABaibul Phọ

Iiḍighi 17:​2,3

OGHAẠPH OOKARAGH: Ka/bạl esi aBaibul phọ bịn akpereghi. Miịn ni mọ buphẹ nạ rakaaphạn bọ okạr ri omiịn muḅọph dị odi igbo esi phọ nạ aạl bọ r’iyaạr phọ nạ rakaạph bọ.

IPẸ NẠ KAḌIGHI BỌ:

• Miteom ikpanhạ ikpo-onhụ phọ. Mem dị nạ aạl esi aBaibul, kaạph aagholhomhi ikpo-onhụ dị emhoọgh muḅọph r’oghaạph ph’anạ. Nạ katue aḍighi iḍuọn phọ esi ooḅulha ghan ikpo-onhụ phọ ipẹ phọ, obobọ esi opuru ghan asipuru idị egbolhomaam ikpanhạ ikpo-onhụ phọ.

• Kaạph aagholhomhi riphigh phọ. Eḍighi maạr dị nạ aghaạph aghol esi aBaibul dị nạ rawạ aạl, pọ kaạph aagholhomhi ipẹ ikpanhạ ikpo-onhụ esi phọ emhoọgh bọ maạr oḍighinom r’oghaạph phọ anạ.

• Dughe eten egbaạm aBaibul ph’anạ. Ka/kaạph akol raraạr dị ke/lọghonhaạn ḍighaạgh omiteom ekạl phọ. Daphạn olhegheri iyaạr awe phọ ilọ emhuoghaạph phọ, kụ asopha onhụ ariphigh dị nạ kasighẹ aḍighinhom, oḍighi idị awe phọ konaghanhạn oghaạph phọ.