SIGHẸ LOOR ANẠ ALHỌGH RUKUMUAN EPẸ ERUGH PHỌ | BUGHẸ IBO PHỌ ANẠ EPẸ ERUGH PHỌ
Loghonhaạn Ḍighaạgh Buphẹ Nạ Ratughemhị Ghan Bọ Baibul Phọ Omhiigh Oru Ghan Ituughạ
Oghị ghan ituughạ eḍighi ni pakirị iserereẹny iiseeny phọ ayira dị emhạn maạr iboom. (Ps 22:22) Abuphẹ rookpomhoghan ghan bọ ooseeny aZihova romoọgh ghan ni ibo r’aḍisẹph kirokirọ. (Ps 65:4) Abuphẹ yira rotughemhị ghan bọ Baibul phọ ropoph ghan agey mem dị ogbor ghan oru ituughạ.
Nạ kaloghonhaạn ika ḍighaạgh buphẹ nạ ratughemhị ghan bọ Baibul phọ omhiigh ituughạ? Ka/bilhẹ omhạgh ghan abidị dị kotu aani ituughạ. Ḍeenhaan vidio phọ Eeghe kụ Remite Ghan Siphẹ aKindọm Họl Phọ? Kaạph suọ oghị ghan ituughạ phọ. (lff esi ituughạ phọ 10) Nạ atue ni aḅenhị bidị iyaạr dị nạ atuughạ siphẹ ituughạ phọ obobọ raraạr dị kotuughạ enhọn amem. Ngọ ḍinyạ phọ kotuughạ bọ. Ngọ ni olhoghonhaạn aḍighaạgh lọ ewạ. Etue ni eḍighi osighẹ abidị osiemhi otu ituughạ. Etigheri ikuph phọ nạ alhọgh bọ, olhoghi anạ kaḅaạl li mem dị opọ nạ ratughemhị ghan bọ aru ituughạ eḅẹl amem mọ.—1Kọr 14:24, 25.
IPOGH VIDIO PHỌ LOGHONHAẠN ḌIGHAẠGH BUPHẸ NẠ RATUGHEMHỊ GHAN BỌ BAIBUL PHỌ OMHIIGH ORU GHAN ITUUGHẠ, KỤ EPHANYANHAẠN SIPURU PHỌ EDAPHẠN BỌ SIẸN:
ANeeta asighẹ eghẹn eepoogh kụ amhaghạm bọ Jade oru ituughạ?
Eeghe kụ iḍighi kụ olhoghi ayira raḅaạl ghan bọ mem dị opọ yira rotughemhị bọ aru ituughạ?
“lgey ni, Enaạn edi ni ogbo phọ anyina”
Eeghe kụ imitenhaan Jade eḅẹl aḍio phọ aghị bọ ituughạ?