Ès Témwen Jéhova Ja Chanjé Bib-la Pou Mété Sa Yo Kwè Adan’y?

Mé non, nou pa fè sa. Anfen, lè nou vini wè sa nou ka kwè adan pa an ling épi Bib-la, nou ka chanjé sa nou ka kwè-a.

Bon. An lanné 1950, nou koumansé fè New World Translation of the Holy Scriptures. Mé lontan avan nou fè Bib sala, nou té ja ègzanminé Bib-la. Nou té ka sèvi népòt twadiksyon ki té avélab èk nou bazé sa nou ka kwè asou sé Bib sala. Bon. Annou konsidiwé twa «3» bagay nou ka kwè adan, èk désidé pou kò’w si yo an ling épi sa Bib-la ka vwéman enstwi.

1. Témwen Jéhova pa ka kwè Bondyé sé twa dyé an yonn. Yon atik an Zion’s Watch Tower an mwa Jwiyèt 1882 di: “Sé moun-lan ki ka li sé piblikasyon nou-an, yo sav nou ka kwè an Jéhova, Jézi èk Lisentèspwi-a. Mé nou pa ka aksèpté enstwiksyon-an Bondyé sé twa dyé an yonn paski sa pa an Bib-la.”

   Mi sé sa Bib-la ka di: “Jéhova, Bondyé nou, sé yon sèl Jéhova.” (Ditonronnonmi 6:4, The Holy Bible, by Robert Young) Èk an 1 Kòrint 8:6 Bib-la di: “La ni yon sèl Bondyé, sa sé Papa-a ki fè tout bagay, èk nou ka viv pou fè volonté’y. Épi la ni yon sèl Senyè, sa sé Jézi Kwi, épi sé li Bondyé Papa-a sèvi pou fè tout bagay èk akòz di li, nou ni lavi.” (American Bible Union Version) Osi, an Jan 14:28 Jézi menm di: “Papa-a pli gwan pasé mwen.”​—Douay-Rheims Version.

2. Témwen Jéhova pa ka kwè Bondyé kay bwilé moun an lanfè pou tout tan. Zion’s Watch Tower, té ni on atik an magazin-lan pou mwa Jen 1882, tit li sété: “Péyiman Péché Sé Lanmò”. Watch Tower-a di: “Sa [Ronm 6:​23 an Bib King James Version-la] ka di-a byen senp èk klè pou konpwann. Konsa, i dwòl pou wè an chay moun ka di yo ka kwè Bib-la sé pawòl Bondyé, mé an menm lè-a yo ka kontiné kwè péyiman pou péché nou sé sa: Bondyé kay bwilé nou an lanfè pou tout tan.”

   Mi sé sa Bib-la ka di: “Lam-la ki péché-a, i kay mò.” (Izikèl 18:​4, 20, King James Version) Èk Bib-la pa ka di Bondyé kay bwilé moun ki pa ka swiv wèg li an lanfè pou tout tan, mé sa i ka di an 2 Tèsalonnika 1:9 (King James Version), sé sa, “Bondyé kay détwi yo pou tout tan.” Sa vlé di, yo kay fini nèt.

3. Témwen Jéhova pa ka kwè Wéyòm Bondyé sé on bagay ki an tjè nou. Mé yo ka kwè Wéyòm Bondyé sé on gouvèdman ki wéyal. Bon. Lè i vini pou Wéyòm Bondyé, èben nou sa di gouvèdman Bondyé, Zion’s Watch Tower an mwa Désanm lanné 1881 di: “Lè Bondyé établi wéyòm li, i kay tiwé tout sé wéyòm-lan ki asou latè-a.”

   Mi sé sa Bib-la ka di: “An jou sé wa sala, Bondyé an syèl kay établi an wéyòm ki pa kay janmen kwazé. Èk wéyòm sala pa kay vini anba lanmen pyès lòt moun. Mé Wéyòm Bondyé kay kwazé tout sé wéyòm sala an miyèt, èk mété on bout pou yo tout. Èk sé li yonn ki kay wèsté pou tout tan.”​—Dannyèl 2:​44, King James Version.

Ès Témwen Jéhova ka dépan asou Bib New World Translation-la tousèl pou sipòté sa yo ka kwè?

Non. Nou ka sèvi népòt Bib lè nou ka palé épi moun. Anfen, lè nou ka étidyé Bib-la épi on moun, nou kontan sèvi népòt Bib moun-lan vlé sèvi. Èk si moun-lan vlé on kòpi Bib-la, New World Translation, nou ka ba li yonn san’y péyé anyen.