Lamemba Manyen me Lukiko Madit

I odiko me Ceng Adek, Sektemba 5, 2012, kitito i lok angeya bot omege ki lumege ma gitiyo i Betel i lobo Amerika ki Canada ni kityeko medo lamemba manyen i Lukiko Madit pa Lucaden pa Jehovah. Mark Sanderson ocako tic macalo lamemba me Lukiko Madit i Sektemba 1, 2012.

Omego Sanderson onongo batija i Februari 9, 1975 dok bene en odongo i cing lunyodone ma gubedo Lucaden pa Jehovah i San Diego, California i lobo Amerika. En ocako tic macalo painia i Sektemba 1, 1983 i Saskatchewan, Canada. I Decemba 1990, en otyeko kwanne ki i Cukul pi Luelda ki Lukony Kor Tic (ma dong kiloko nyinge ni Cukul pi Omege ma Wigi Nono) i lobo Amerika. Kicimo Omego Sanderson macalo Painia keken i cula nam me Newfoundland, Canada, i April 1991. I nge tic macalo lakony kor laneno me adwol, kilwonge me bedo lamemba me Betel i lobo Canada i Febuari 1997. I Novemba 2000, kikobe i jang gang kal me Amerika, ka ma en otiyo i Ka Nongo Ngec Madok i Kom Ot Yat ki dok lacen i Dipatmen ma Doro Tito Kwena.

I Sektemba 2008, Omego Sanderson kilwongo i Cukul pi Lumemba me Komitti me Jang Gang Kal. Cutcut i ngeye, kicime me tic macalo lamemba me Komitti me Jang Gang Kal i lobo Philippines. I Sektemba 2010, kilwonge me dok cen i lobo Amerika, ka ma en otiyo macalo lakony kor Komitti pa Lukiko Madit ma Doro Tito Kwena.

[Cal ma tye i pot karatac 8]

[Bok i pot karatac 8]

Omege ma Gitye Lumemba me Lukiko Madit i Kareni

Jo ma angec, cakke ki tung acam cito kwede tung acuc: D. H. Splane, A. Morris III, D. M. Sanderson, G. W. Jackson, M. S. Lett. Jo ma anyim, cakke ki tung acam cito kwede tung acuc: S. F. Herd, G. Lösch, G. H. Pierce. Lumemba ducu me Lukiko Madit gitye Lukricitayo ma kiwirogi

[Cal]