Ti ki Cawani Maber i Tic me Pwony
1 Pud watye ki tic mapol ma myero wacob i ticwa me pwony, ento kare mudong dong nok. (Jon 4:35; 1 Kor. 7:29) Ka wayubbe maber dok wagoyo pulanwa con, ci watwero tic ki cawa ma nongo waketo pi tic me pwony i yo maber.
2 Bed ma Iyubbe: Ma peya icito i cokke me cito ka pwony, nen ni itye ki bukke ma ibitiyo kwede dok iyub gin ma ibiloko wek obed i wi. Ka dong kiloro cokke man ki lega, cit atir i wang tic me pwony. Man bimini kare ki dok jo ma itye ka tic kwedgi me timo tic mapol ma lubbe ki cawa ma tye.
3 Ka kicimmi me doro cokke me cito ka pwony, cak cokke man i wang cawa kikome. Wek obed macek ma pe kato dakika 10 nyo 15. Ma peya icwalo dano woko, wek ngat acel acel onge nga ma ebitiyo kwede ki ka ma gibitic iye.
4 Ka Dong Wutye ka Pwony: Ka cokke me cito i tic me pwony otum, pe i bed ka junge atata, cit atir i wang tic. Ka gwok nyo itye ki tam me a con ki i wang tic, ci itwero a i yo ma pe balo tic pa jo mukene-ni. Ka itye ka tic kacel ki gurup, ci tam pi jo mukene ma nongo kare mukene gitye ka kurri ni kong ityek lokki. Itwero timo man ki tic ki diro me giko lokkki ki ngat mo ma nongo obedo lalar lok nyo yubo yub me dok cen ka lim ka ngatte onyutu miti.—Mat. 10:11.
5 Ka wudok cen ka lim, limu dano ma i kabedo acel moni-ni ducu ma nongo peya wukobo ka mukene wek pe oyelwu ki wot atata. Kare mukene wuromo goyo cim bot jo mogo me niang ka ce gitye gang. (Car. 21:5) Ka itamo ni ibigalle bot ngat moni, ci kiromo yubone wek jo ma nongo gitye i gurupi-ni guti ka ma cokcok kenyo nyo me medo limo ngat mukene doki.
6 Watye ka kwo i kare ma tic me kac me cwiny tye mapol adada. (Mat. 9:37, 38) Tic man dong cok gik. Pi man, mitiwa omyero obed me tic maber ki karewa i tic me pwony.