Karatac me Lwongo pi Nipo ma Kibipokone i But Lobo Ducu!
1. Rwec ango ma kiyubo ma bitimme i but lobo ducu ma nongo nino me Nipo peya oromo?
1 “Wutim kuman me po pira.” (Luka 22:19) Pien gilubu cik man ma Yecu omiyo-ni, luwor Jehovah kacel ki jo ma gunyutu miti gibigure kacel i Marci 30, 2010, pi kwero to pa Yecu. Karatac me lwongo ma kite dok pat pi Nipo kibipokone i but lobo ducu cakke i Marci 13 me o i Marci 30.
2. Waromo miyo karatac me lwongo pi Nipo nining?
2 Kit me Miyone: Iromo miyo karatac me lwongo man bot rwod ot wek onen cal ma tye i nyimme, ci iwacci: “I otyeno me Marci 30, dano milion mapol gibigure kacel i but lobo ducu pi kwero to pa Yecu. Abino ka miyo karatac me lwongo man boti kacel ki jo me odi wek wun bene wubed tye i kwer man. Luremi bene kijologi. Tim ber imak cawa ki kabedo ma kwer man bibedo iye.” Ka twere, iromo kwano Luka 22:19 me nyutune ni kwer man kiciko pire i Ginacoya. Wi myero opo ni kit ma kare nok tutwal me tyeko wang ticwa ducu-ni, bedo ber ka i loko macek.
3. Ngagi ma waromo lwongogi?
3 Ka kacokkewu tye ki wang tic malac, ci luelda giromo miniwu tam me weko karatac me lwongo man i odi ma danone gipe gang i limwu pi tyen mukwongo. Ka ce twere, ci wuromo miyo magajin kacel ki karatac me lwongo man i tum cabit. Nen ni ilwongo jo ma idok cen ka limogi, lutino kwanni me Baibul, lutic luwoti, lutino kwan luwoti, wadini, jiranini, ki dong jo mukene ma ingeyogi.
4. Bedo ki pwoc pi mar ma Jehovah onyutu i miyo ginkok-ki myero ocwalwa me timo gin ango?
4 Yubbe me Tic Matek: Kare me Nipo obedo kare mo maber atika me medo cawawa i ticwa me pwony. Tika iromo loko yubbi wek iti macalo painia pi tutunu? Tika itye ki lutino nyo lutino kwanni me Baibul ma gitye ka dongo i yo me cwiny? Ka tye, ci lok ki luelda wek gunen ka ce jo magi manyenni gitye ma gupore me nywako i rwec man macalo lutit kwena ma peya gunongo batija. Bedo ki pwoc pi mar ma Jehovah onyutu i miyo ginkok man myero ocwalwa pe me bedo tye i Nipo keken ento me lwongo dano mapol wek guribbe kwedwa.—Jon 3:16.