Kit me Nyutu Magajin

The Watchtower Januari 1

Kwan Acakki 2:16, 17. Ci iwacci: “Jo mukene giwacci Lubanga onongo ongeyo con ni Adam bitimo bal. Mukene gitamo ni ka onongo Lubanga ociko Adam kun ngeyo gin ma bitimme con kono en lagoba. In itamo ningo i lok man? [Mine kare wek ogam.] Pwony ma cakke ki i pot karatac 13 tito kit ma Lubanga tiyo kwede ki tekone me ngeyo jami ma bitimme i anyim.”

Awake! Januari

“Jo mukene giye ni niye i kom dini moni kwako kit ma iwinyo kwede ki i cwinyi ento pe kwako nyamo tyen lok ma kelo niango matir. In itamo iye ningo? [Mine kare wek ogam.] Ma lubbe ki lok me Baibul, niye i kom dini pe omyero obed gin ma watimo latowang. [Kwan 1 Jon 4:1.] Pwony ma cakke ki i pot karatac 28 tito kit ma waromo moko ka niyewa ocung i kom tyen lok matir.”

The Watchtower Febuari 1

“Ket pa keny dong onya mapol i kareni. Itamo ni gin ango ma omiyo keny mapol ata tye ka ket? [Mine kare wek ogam.] Nen kong tam maber man ma luot mapol gunongo tye me kony botgi. [Kwan 1 Jo Korint 10:24.] Magajin man nyamo jami abicel ma pol pa co ki mon gikok iye dok nyutu kit ma keto cik me Baibul i tic twero konyowa.”

Awake! Febuari

“I kare-ni miti pa dano tye ka medde matek mada i kom anati, lutim tim jok, ki ajwagi. In itamo ni rwako wiwa i tim tyet mono pe wanowa? [Mine kare wek ogam.] Nen kong cik ma Lubanga ociko kwede jo Icrael. [Kwan Nwoyo Cik 18:10-12.] Magajin man nyutu gin ma Baibul waco i kom tim tyet.”