Kit me Nyutu Magajin

The Watchtower Januari 1

“In itamo ni lobo romo doko kabedo maber ka dano ducu gilubu cik me Baibul ma kicoyo kanyi? [Kwan Jo Roma 12:18. Mine kare wek ogam.] Tika ingeyo tyen lok mumiyo Lubanga kare mukene oweko jone me kare macon onongo gilwenyo? Pwony man miyo lagam matir ki i Baibul.” Nyut pwony ma cakke i pot karatac 13.

Awake! Januari

Kwan Tic pa Lukwena 17:31a. Ci iwacci: “Ki bot jo mukene, Nino me Ngolokop obedo gin ma kelo lworo. In itamo iye ningo? [Mine kare wek ogam.] Baibul pwonyo ni Nino me Ngolokop bikelo mot mapol i lobo. Pwony man tito kit ma bitimme kwede.” Nyut pwony ma cakke ki i pot karatac 10.

The Watchtower Febuari 1

“Jo mapol gitye ki gen ni ka gito gibicito i polo. In bene itye ki gen meno? [Mine kare wek ogam.] Nen kong gin ma Baibul waco ma tye calo mot pi pol pa dano ma kitgi beco. [Kwan Jabuli 37:29.] Magajin man nyamo gin ma Baibul loko i kom jo ma gibicito i polo ki dok ngo ma gibitimo kunu.”

Awake! Febuari

“Nyom mapol ata tye ka ket i kare man. In itamo ni pol pa jo ma gunyomme mono kong gitute me cobo peko ducu ma tye ma peya gumoko tamgi me keto keny? [Mine kare wek ogam. Kwan Carolok 14:15.] Magajin man nyamo jami angwen ma jo munyomme myero kong gutam matut ka gimito keto keny.”