Itwero Nongo Adwogi Maber ki i Watchtower ma Kicoyo i Leb Munu ma Niang Iye Yot?

Watchtower me akwana pi kacokke dong tye nonge i leb Munu ma niang iye dok yot. Magajin man kiyubo pi (1) Jo ma giloko leb Munu ento pe giniang nyig lokke matego, oromo bedo ni pien gukwano manok keken; (2) lutit kwena ma lebgi mukwongo pe obedo leb Munu; (3) Jo matino, tutwalle ma gitye i nursery, puramari, ki cinia; ki dong (4) Lutino kwan me Baibul ma myero giti ki leb munu ma niang iye yot dok tito lok atir wek guniang maber.

Namba me paragraf, lapeny, ki wi lok matitino ducu girom aroma ki Watchtower me akwana pi kacokke. Pwony ma tye iye ducu girom ento nyig lokke aye patpat. Kadi bed ni lador Watchtower bimedde ki tic ki Watchtower ma kiyubo pi lwak-ki, jo ma gibitic ki Watchtower me leb munu ma niang iye yot-ti gibineno ni ginacoya, cal ki lapor, kacel ki paragraf gitye ma rom aroma dok bene gitwero nywako i miyo lagam.

Dong ngat ma tamo ni magajin man twero bedo me kony bote, en romo penyo pire ki i kacokke.