Alokaloka me Yomcwiny pi Watchtower!
1 I acakki mwaka-ni, kacokke ducu gunongo lok angeya me yomcwiny ni: Cakke i Januari 2008, kibigoyo Watchtower laiye aryo, acel bibedo pi lwak ki mukene-ni bibedo pi utmegiwa ma gubedo Lukricitayo! Gwok nyo ibedo ka penye ni: ‘Magajin aryo magi dok bibedo patpat nining? Ber ango ma nonge ki i poko i magajin magi? Tika tye jami mogo manyen ma bikati ki i magajin magi?’
2 Apokapoka ma i Igi: Magajin ma bikati i nino dwe acel me dwe ducu-ni kibilwongone ni Magajin pi Lwak. Pwony ma iye ducu kibiyubo ma cobo miti pa lwak. Magajin ma bikati i nino dwe 15 me dwe ducu-ni kibilwongone ni Magajin me Akwana pi Kacokke dok pe kibitero woko i tic me pwony. Bibedo ki pwony ducu ma jwi kikwano i ceng cabit pi dwe acel kulu kacel ki jami mogo ma kicoyogi pi Lukricitayo ma gudyere. Watchtower ma obedo Magajin pi Lwak-ki, bibedo ber pi Lucaden bene ento tutwalle bibedo ber pi jo ma pe gubedo Lucaden ma gitye ki niye i kom Baibul. Kitungcel, Awake! pud bicobo miti pa lwak mapol, ma tye iye jo ma gitye ki akalakala i kom Bible ki jo ma waco ni gin pe gibedo Lukricitayo.
3 Berre: I Magajin me Akwana pi Kacokke-ni, pe dong bimitte ni dok kitit tyen lok mogo calo “painia” i yo ma nongo ngat ma pe obedo Lacaden twero niang iye. Magajin man bene twero bedo ki ngec ma kiyubo tutwalle pi Lucaden pa Jehovah ki lutino kwan me Baibul ma gitye ka dongo i yo me cwiny. Magajin pi Lwak-ki kono? Kit macalo lok ma i iye kacel ki kit ma kicoyo kwede nongo tye pi lwaki-ki, ngat ma pe obedo Lacaden omyero onong mit me kwano lok ma iye ducu. Ngene kene ni Lucaden pa Jehovah ducu bene gibinongo ber pa kwano magajin man. Kit macalo wabitero kit Watchtower acel ki Awake! bene acel keken i ticwa me pwony i dwe moni-ni, wabibedo ki dwe acel kulu me yubo kit me nyutune i yo maber.
4 Jami Manyen: Jami mogo manyen me yomcwiny bene tye ma kityeko yubone pi Watchtower ma obedo Magajin pi Lwak-ki. Kabedo acel binyamo pwony ma pigi tego me Ginacoya i yo mayot atika. Mukenene binyutu kit ma Baibul romo konyo kwede jo me odi. Kibiketo bene yub me kwano Baibul pi jo matino. Magajin man ducu bibedo ki wang tyeng mogo ki i Baibul ma pwonyowa i kom kit pa Jehovah.
5 Walego ni Jehovah ogo laane i kom yub me goyo Watchtower man manyen-ni. Pi meno wageno ni magajin man kacel ki Awake! bimiyo kwena maber-ri oo bot jo ducu ma myero.—Mat. 10:11.