Kit me Cako Lok

Me Cako Kwano Baibul ki Dano i Ceng Abicel Mukwongo me Marci

“Jo mapol gikwero nywalo Yecu, ento in kono itamo ni pire tek me po pi to pa Yecu?” Mine kare wek ogam. Ci imi bot rwod ot Watchtower me Marci 1 dok wunyam kacel pwony ma tye i te wi lok ma tye i pot karatac 16 ci wukwan ginacoya acel i kin ginacoya mogo ma gitye kenyo. I ngeye wumok kacel awene ma ibidok iye ka gamo lapeny mukene.

The Watchtower Marci 1

“Tye dini mapol ki gurup pa jo mularre ma gitye ki niye mapat pat. In itamo ni jo magi ducu mono gin Lukricitayo me ada? [Mine kare wek ogam.] I lok pa Yecu, lanyut pa Lukricitayo me ada aye en. [Kwan Jon 13:34, 35.] Magajin man nyamo jami abic ma Yecu oloko ma konyowa bene me ngeyo Lukricitayo me ada.”

Awake! Marci

“Watye ki lok ki jiraniwa i kom kit ma dano tye ka doko ger kwede i kabedo ducu i kareni. Tim me gero tye ka nya medde ameda, dok kiniga mako dano oyot tutwal. In itamo ni ngo ma ka kelo tim ma kit man? [Mine kare wek ogam.] Nen kong gin ma Baibul loko i kom tim gero. [Kwan Jabuli 37:8.] Magajin man bene tito tyen lok mumiyo tim me gero tye ka medde dok bene nyuto kit me jukone.”