Kit me Cako Lok

Me Cako Kwano Baibul ki Dano i Ceng Abicel Mukwongo i Agucito

“Pol pa dano gitye i dini mapat pat dok giworo Lubanga i yo mapat pat. In itamo ni Lubanga mono winyo nining iye? [Mine kare wek ogam.] Nen kong ngo ma Yecu opwonyo i kom lok man.” Mi bot rwod ot kopi me Watchtower me Agucito 1 ci wunyam kacel pwony ma tye i te wi lok mukwongo i pot karatac 16, wukwan bene ginacoya acel i kin ma kicimogi kenyo. Mine magajin, ci wuyub awene ma ibidok iye ka gamo lapeny ma lubo meno.

The Watchtower Agucito 1

“Lutino ma pud gitino mono myero kipwonygi ki lok pa Lubanga nyo kong kikur nio ka gudoko dito ma gin aye nongo gitwero yero dini ma cwinygi mito? [Mine kare wek ogam.] Nen gin ma Baibul waco ni wego myero gutim. [Kwan Jo Epeco 6:4.] Magajin man miyo ngec mogo i kom kit ma lunyodo gitwero pwonyo kwede lutinogi i kom Lubanga.”

Awake! Agucito

“Amito winyo tammi kong i kom tyeng man. [Kwan 1 Camuel 16:23.] Ma lubbe ki tyeng man, wer tye ki teko me gudo dano. In itamo ni wer mukene twero kelo adwogi ma pe ber i kwo pa dano? [Mine kare wek ogam.] Magajin man nyamo kit ma waromo yero kwede wer ma rwatte ki kit ma watwero konyo kwede lutinowa me yero wer mupore.”