‘Wumar Utmego Ducu’

Ginacoya me wi lok man kicoyo cokcok mwaki alip aryo angec. (1 Pet. 2:17) Ento mitte ni wan bene myero waket tira man i tic kombeddi! Waromo maro dano ma i wi lobo-ni ducu nining? I lobo ma mar peke iye-ni, waromo gwoko marwa kun pe waweko kwe nining? (Mat. 24:12) Tam kong ka iromo miyo lagam i kom lapeny magi i nge neno vidio me Our Whole Association of Brothers.

(1) Awene ma wadoko kwede Lukricitayo ma utmego? (2) Tic adek ango ma wan omege me lobo ducu wanywako timone? (3) Omegiwa gitye ka nyuto mitigi me tic matek nining (a) i tim me lobo Alaska, (b) i dog nam me Europe, ki (c) i bunga me Peru? (4) Pingo pe myero watam ni tic me pwony obedo mere tic mamwa? (5) Mi kong labol ma nyuto kit ma Lucaden pa Jehovah gukonyo dok gucuko kwede cwiny luwotgi (a) i nge timme pa oyengyeng, (b) I nge kodo pa yamo lapiru magwar ki (c) i kare me lweny? (6) I yo ma tiyo ango ma wan ducu wanyuto kitwa macalo utmego ma Lukricitayo? (Jon 13:35) (7) Adwogi maber ango ma wanongo i tic me gero Odi me Ker kacel? (8) I yo ma nining ma omegiwa ma i Russia ki lobe ma Tung Kunyango me Europe gubwot kwede i yo me cwiny i kare ma kigengo ticwa? (9) Tute ango ma Lucaden gutimo wek giwot i gure madit, dok pingo? (10) Vidio man ojingo cwinyi nining pi (a) Woro Jehovah ma inote kacel ki omegini i cokke (b) konyo jo mukene ma piny oloyogi, ki (c) tito kwena ki tekoni ducu? (11) Awene nyo i yo ma nining ma waromo tic kwede ki vidio man i tic me pwony?

Tyen lok ma pire tek botwa macalo Utmego en aye marwa pi Jehovah. Pi meno, wamaro pwonyo jo mukene lok i kom Jehovah. Dok wamaro jo ma Jehovah marogi. Ka wakonyogi i kare ma mitte, pe dok wamito ni Lubanga opwowa iye. Ma ka meno wapwoyo Lubanga pi utmegiwa pien gubedo mic ma pire tek ma oa ki bote. Kit macalo watye ka kwo i kare me agikki me lobo man ma mar pe iye-ni, myero wamedde ki nyuto mar bot utmegiwa ducu!