Rwec me Lwongo Dano pi Nipo Cakke i Marci 1
1. Rwec me lwongo dano pi Nipo bicakke awene, dok pingo bitero kare malac i mwaka-ni?
1 I Ceng Abic, nino dwe 1 me Marci, wabicako rwec ma bedo mwaka ki mwaka-ni me lwongo dano pi Nipo. Nipo bibedo i nino dwe 26 me Marci, ma nyuto ni rwec me mwaka-ni bitero kare malac loyo i mwaki mukato angec. Man bimiyo kare ki dano mapol me nongo karatac me lwongo, tutwalle ka gibedo ka ma kacokkewu tye ki wang tic malac.
2. Yub ango ma tye pi nongo karatac me lwongo ki me tyeko wang tic?
2 Kit me Yubbe: Luelda bimiyo tira i kom kit me tyeko wang tic, ki ka omyero wawek karatac me lwongo i paci pa dano ma pe wanongogi gang. Ka karatac me lwongo pud odong i nge tyeko wang tic ma wutiyo iye i ot ki ot, ci wuromo pokogi i kare me miyo caden i dye lwak. Lanen wi tic myero onen ni kiketo karatac me lwongo muromo i ka keto magajin ki bukke wek lutit kwena gukwany, ento pe omyero kiket karatac me lwongo ducu lawangacel. Omyero wakwany karatac me lwongo ma wabitiyo kwede pi cabit acel keken, ci wamed ka meno otum.
3. Ngo ma myero wiwa pe owil iye ka watye ka poko karatac me lwongo?
3 Ngo ma Wabiwacone? Bedo ber ka waloko macek, pien bimiyowa kare me o bot jo mapol. Pot karatac 4 tye ki tam ma kimiyo i kom kit me nyutone, ma watwero loko wek obed mupore ki wang ticwa. Ngene kene ni pe omyero warune waa woko ka rwod ot tye ki lapeny. Ka watye ka poko karatac i tum pa cabit, waromo bene miyo magajin ka ce opore. I nino dwe 2 me Marci, wabiketo tamwa i kom poko karatac me lwongo me kaka cako kwano Baibul ki dano.
4. Pingo omyero wati tic me rweyo dano ki mit kom?
4 Wageno ni dano mapol binywako kwedwa i kwero Nipo. Pwony me Nipo bitito nga ma Yecu i ada obedo. (1 Kor. 11:26) Bitito kit ma tone konyowa kwede. (Rom. 6:23) Dok binyuto pingo pire tek ni wiwa opo i kome. (Jon 17:3) Dong, wan ducu myero wati tic me rweyo dano ki mit kom!