Dongo Dirowa i Tic me Pwony—Kit me Nyuto Miti i kom Dano

Gin Mumiyo Pire Tek: Yecu onongo neno kit ma ngat acel acel tye kwede, dok en onyuto miti i komgi. Me labolle, i nino mo acel ma Yecu oniang ni laco mo ma ladingit pe tye agonya, Yecu otero laco-ni ka ma dano pe iye ka dong ocango. (Mar. 7:31-35) Yecu bene onyuto par pi roc ma lupwonyene gitye kwede mumiyo en pe otito botgi ngec mapol tutwal. (Jon 16:12) Kadi ma Yecu dong odok cen i polo, en pud nyuto miti i kom dano. (2 Tem. 4:17) Wan macalo lulub kor Kricito wamito ni walub lanene. (1 Pet. 2:21; 1 Jon 3:16, 18) Medo i kom meno, wabicobo ticwa me pwony maber ka waparo pi jo ma watito kwena botgi kun waneno kwo ma gitye ka wot ki iye, mitigi, ki par ma gitye kwede. Rwod ot bibedo ki miti ka oniang ni wan pe wabino me tito kwena ki weko bukkewa keken, ento bene watye ki miti i kom dano.