Lwong Dano Ducu me Wang Ticwu pi Nipo!

I kare me rwec ma bicakke i nino dwe 27 me Febuari, wabilwongo jo mapol ma i kabedowa me bino ka kwero Nipo me to pa Yecu kacel kwedwa. Myero bene waket cwinywa i kom jo ma wanongogi wek wadong mitigi.

JAMI MA MYERO WATAM PIGI

CAK LOKKI KIT MAN

“Watye ka poko karatac me lwongo pi yub mo ma pire tek adada. I nino dwe 23 me Marci, dano milion mapol i twok lobo ducu gibicokke kacel pi kwero Nipo me to pa Yecu Kricito, ki me winyo pwony me Baibul labongo cul mo. Pwony meno bilok i kom kit ma tone konyowa kwede. Karatac me lwongo man nyuto cawa ki kabedo ma yub man bitimme iye. Tim ber ibin ka itwero.”

Ka ngat meno onyuto miti, . . .

• MI BOTE MAGAJIN ME WI LUBELE

  Cib guti me dok cen.

• NYUT VIDIO ME NIPO

  Cib guti me dok cen.

Ka idok cen, itwero . . .

• NYUTU VIDIO ME PINGO OMYERO IKWAN BAIBUL?

  Ci imi buk nyo brocuwa ma kitiyo kwede me kwano Baibul.

• MIYO BUK ME BAIBUL MONO ADA PWONYO GIN ANGO?

  Nyam kwede ngec mukene i kom Nipo, kun itiyo ki pot karatac 206-208. Ci imi buk man bote.

• MIYO BROCUWA ME WINY LOK PA LUBANGA

  Wunyam tyen lok me to pa Yecu, kun wutiyo ki pot karatac 18-19. Ci imi brocuwa man bote.