Cwinywu Obed Yom pi Gin ma Wugeno

Gen tye calo lajuk mel. (Ibru 6:19) Konyowa me gwokke ki jami ma twero turowa i yo me cwiny, calo mel ma tye i nam ma twagge matek ki yamo. (1Tem 1:18, 19) Nam ma twagge matek ki yamo cung pi turcwiny, can lim, two ma pe cang, to pa danowa me amara, nyo gin mo keken ma twero turo gennewa.

Niye ki gen konyowa me ciko wangwa i kom mot ma tye anyim. (2Kor 4:16-18; Ibru 11:13, 26, 27) Pi man, kadi genwa tye me cito i polo nyo me kwo i lobo, kare ducu myero wabed ka camo cam me cwiny ki lwodo lok i kom cikke mabeco ma tye i Lok pa Lubanga. Ci, ka cwinywa otur pi atematema ma gudo kwowa, bedo yot me gwoko yomcwinywa.​—1Pet 1:6, 7.

WUNEN VIDIO ME CWINYWU OBED YOM PI GIN MA WUGENO, CI WUGAM LAPENY MAGI:

• Pingo Moses obedo lanen maber me aluba piwa?

• Tic ango ma tye i wi luwi odi?

• Pwony ango ma wutwero nyamone i Woro pi Jo me Ot?

• Gen twero konyi nining me lweny ki atematema kun nongo cwinyi tek?

• Gin ango ma in itye ka kurone tutwal?