Niyeni i kom Cikke pa Jehovah Mono Tek Lakwene?

Yocwa gin ki Solomon gumoko ada ni pe tye kadi lok mo acel pa Jehovah ma pe ocobbe kakare. (Yoc 23:14; 1Luker 8:56) Caden pa jo aryo ma gigene magi tye i kin jami ma jingo niyewa.​—2Kor 13:1; Tito 1:2.

Jehovah ocobo cikkene nining i kare pa Yocwa? Macalo jo me ot, wunen vidio ma wiye tye ni ‘Not One Word Has Failed’ (‘Pe Tye Lok Mo ma Pe Ocobbe Kakare’). I ngeye, wuromo gamo lapeny magi: (1) Itwero lubo lanen me niye pa Rakab nining? (Ibru 11:31; Yak 2:24-26) (2) I yo ango ma lanen pa Akan nyuto ni kwero bedo lawiny kelo can madit? (3) Kadi bed jo me Gibeon onongo gubedo lulweny matego, pingo gin gubwolo Yocwa ci gumoko gicikke ki jo Icrael? (4) Lok pa Jehovah ocobbe nining i kare ma luker abic pa jo Amor gubino ka lweny i kom jo Icrael? (Yoc 10:5-14) (5) Jehovah mono okonyi nining pien iketo Kerre ki kit ma atirre bedo mukwongo i kwoni?​—Mat 6:33.

Ka watamo i kom jami ducu ma Jehovah dong otimo, tye ka timone i kareni, dok bitimone i anyim, ci niyewa i kom cikkene bidoko tek.​—Rom 8:31, 32.