Tam Ma Twero Konyi

Kit me Nongo Pwony ma Kinyutogi i Kacakone

Omegiwa ki lumegiwa mapol gitiyo ki pwony ma kinyutogi i pej me kacakone i jw.org i tic me pwony. Cwalogi ki i Intanet yot, dok pol kare gitito kit ma jami ma tye ka timme i lobo i kare-ni cobo kwede lok pa lunebi me Baibul. Kit ma omego mo acel ocoyo kwede, pwony magi gubedo “gin ma wamito kikome ma lubbe ki yo me tito kwena ma watiyo kwede i kare-ni.”

Ento pwony magi kilokogi kare ki kare, dong itwero nongo pwony ma kikwanyo woko ki i pej man nining?

• I pej me kacakone i jw.org, di link ma waco ni “Nen Mukene” ma tye i te pwony ma kinyuto-ni. Link man yabo pej ma wiye tye ni “Pwony Mogo ma Kinyuto Macok Cok-ki i Bute me Kacakone,” ka ma ibinongo iye pwony mukene ma kinyutogi con.

• I jw.org, yer “Laibrari,” ci iyer “Pwony ma Kati Kare ki Kare,” ka dong “More Topics.” Bute man tye ki pwony mapol ma kinyutogi i pej me kacakone. Itwero bene nongo pwony magi i JW Library^®.