Yecu / Tika Ada Baibul Tito Gin Mutimme i Kwo pa Yecu?

Lagam ma Baibul miyo

Lacoc me Baibul ma nyinge Luka ocoyo lok man ma lubbe ki kwo pa Yecu: “Angiyo gin ducu nia i acakki.”—Luka 1:3.

Jo mogo giwacci lok madok i kom Yecu ma kicoyo i jiri—lok pa Matayo, Marako, Luka, ki Jon—kiloko woko i kine ka mwaka 300 ki wiye.

Ento, buk adola mo ma pire tek ma tye ki Jiri pa Jon kinongo i Ejipt i kine ka mwaka 1900. Buk adola meno kilwongo ni Papyrus Rylands 457 (P⁵²) dok kigwoko i Laibrari ma kilwongo ni John Rylands, i Manchester, lobo England. Buk adola man tye ki lok ma kicoyo i Jon 18:31-33, 37, 38 i Baibulwa me kare-ni.

Man aye buk adola macon loyo ma tye ki Ginacoya me Leb Grik. Lukwan mapol gitamo ni kicoyo i kine ka mwaka 125 K.M., ma meno obedo i nge mwaka pyeraryo wiye abic keken ma dong kityeko coyo jiri mukwongo-ni. Lok ma i buk adola man rwatte macok adada ki lok ma kicoyo i buk adola ma kinongo lacen.