DUL 9

Paradic Mono Bibino Awene?

Peko mapol ma tye i lobo-ni nyutu ni Ker pa Lubanga dong cok bino. Luka 21:10, 11; 2 Temceo 3:1-5

Peko ma onya i kare me agikki—tuko me goyo cente, lweny, two, kec, lutino pe giwinyo lunyodogi, ki tim gero ma i ot

Baibul otito con pol pa jami ma tye ka timme i kare-ni. Otito ni dano bibedo lumar lim, pe gibiwinyo lunyodogi, gibibedo jo mager, ki jo ma maro yomcwiny.

Oyengyeng madongo biyengo lobo, lweny, kec, ki two mapat pat bipoto i kabedo mapol. Jami magi dong gitye ka timme i kare man.

Lacaden pa Jehovah mo tye ka tito kwena maber me Ker-ri bot laco mo

Yecu bene owacci lok man me kwena maber me Ker-ri kibititone i wi lobo ducu.—Matayo 24:14.

Ker-ri bijwayo jami maraco ducu. 2 Petero 3:13

Kitye ka tyeko jo maraco i lweny me Armagedon, ci i ngeye kimiyo Catan ki jogine pwod

Cok cok-ki, Jehovah bityeko jo maraco ducu.

Catan kacel ki jogine kibimiyogi pwod.

Yecu obedo i wi komkerre i polo dok dano me kaka mapatpat gitye ki yomcwiny

Jo ma giwinyo lok pa Lubanga gibibwot me kwo i lobo manyen me kit matir, ka ma lworo bibedo pe iye, ka ma dano gigene dok gimarre i kingi.