WER 114
“Wudi Cwinywu”
Kit ma Nen Kwede i Buk Kikome
(Yakobo 5:8)
1. Lubangawa Jehovah
Lanyeko pi nyinge maleng.
En mito yubo nyinge
Wek obed labongo koko.
Pi mwaki mapol ata,
En obedo ka kanyo;
I mar, ki diyo cwinye,
En pe ool matwal.
Mitine tye ni dano
Ducu ka twere gularre.
Diyo cwiny pa Lubanga
Pe dong bibedo me nono.
2. Kit man me diyo cwinywa
Bigwokowa i yo pa Rwot.
Man weko cwinywa kwe mot,
Gwokowa ki i akemo.
Dok neno ber pa dano,
Geno ni bibedo ber.
Weko wan wacung matek
I kare me cwercwiny.
Kacel ki kit mukene
Ma cwiny maleng twero nyako,
Diyo cwiny bikonyowa
Me poro Lubanga Wonwa.
(Nen bene Nia 34:14; Ic. 40:28; 1 Kor. 13:4, 7; 1 Tem. 2:4.)