Nyut Miti i kom Jo Mukene

Gin ma Yecu Otimo

VIDIO: Yecu ki Dako ma i Wang ItWell

1. Nen VIDIO, nyo kwan Jon 4:​6-9. I nge meno, tam i kom lapeny magi:

1. Gin ango ma Yecu oneno i kom dako-ni ma peya en ocako lok kwede?

2. Yecu owaco ni: “Miya pii, amati.” Pingo man obedo yo maber me cako lok?

Pwony Ango ma Wanongo ki Bot Yecu?

2. Wabibedo ki kare me boko lok ki dano ka wacako ki lok i kom gin ma gitye ki miti iye.

Lub Lanen pa Yecu

3. Bed atera me timo alokaloka. Pe iket gingi me tic ki yo me cako lok ma onongo iyubo woko con. Cak ki lok i kom gin mo ma jo mukene gitye ka tam iye i nino meno. Pennye kekeni ni:

1. ‘Lok angeya ango manyen i kin piny?’

2. ‘Gin ango ma jiranina, lutic luwota, nyo lutino kwan luwota gitye ka lok iye?’

4. Bed ma wangi bit. Pennye kekeni ni:

1. ‘Gin ango ma dano-ni tye ka timo i cawa-ni? Oromo bedo ni en tye ka tam i kom gin ango?’

2. ‘Ngo ma ruk pa dano-ni, kit ma en nen kwede, nyo pacone titta madok i kom dinine nyo tekwarone?’

3. ‘Tika man obedo cawa mupore me lok kwede?’

5. Cik iti ka winyo lok.

1. Pe ilok tutwal.

2. Wek obed yot bot dano-ni me tito lok ma i cwinye. Ka inongo ni opore, penye lapeny.