Di Cwinyi

Gin ma Yecu Otimo

VIDIO: Yecu Odiyo Cwinye ka Konyo Ominne

1. Nen VIDIO, nyo kwan Jon 7:​3-5 ki 1 Jo Korint 15:​3, 4, 7. I nge meno, tam i kom lapeny magi:

1. I acakkine, omegi Yecu gudok iye nining i kom kwenane?

2. Ngo ma nyuto ni Yecu pe oilo cinge woko i kom ominne Yakobo?

Pwony Ango ma Wanongo ki Bot Yecu?

2. Mitte ni wadi cwinywa pien jo mogo gitero kare malac me jolo kwena maber ento jo mukene gijolo oyotoyot.

Lub Lanen pa Yecu

3. Ti ki yo mukene. Ka dano meno pe oye kwano Baibul cutcut, pe idiye adiya. Ka opore, ti ki vidio nyo pwony mogo me konye niang gin ma timme ka kitye ka kwano Baibul ki dano, kacel ki adwogi maber ma en binongone.

4. Pe ipor ngat meno ki jo mukene. Dano ducu pe girom. Ka watti mo nyo ngat ma idok cen ka limone pe oye kwano Baibul nyo okwero pwony mo me Baibul, tam i kom tyen lok mumiyo en tye ka timme kit meno. Tika tye pwony mo me dinine ma en maro adada? Tika en tye ka nongo lyeto ki bot wadine nyo jiranine? Miye kare me tam i kom gin ma ititte ki me neno ber pa gin ma Baibul pwonyo.

5. Leg pi ngat ma onyuto miti-ni. Leg Jehovah wek okonyi me medde ki bedo ki gen kacel ki nyuto ryeko. Leg pi niango me ngeyo ka ngat moni pe ki miti wek ijuk limme woko.—1 Kor. 9:26.