LAPENY MA KIGAMO ME BAIBUL
Gin ango ma Yecu bitimone i anyim?
I mwaka 33 K.M., Yecu oto, ci ocer, ka dong ocito i polo. Lacen, kimiyo twero me loc i cinge macalo Kabaka. (Daniel 7:13, 14) I anyim, Yecu bitic ki twerone macalo Kabaka me kelo kuc ki dok jwayo can ki i lobo.—Kwan Jabuli 72:7, 8, 13.
Macalo Kabaka, Yecu bijwayo tim maraco ducu ki i lobo
Yecu bitimo jami mapol me aura macalo Laloc. En bitic ki twero me loc ma Wonne omine me jwayo roc woko ki pete tere ducu ki i kom dano. Dano bibedo ki kuc i lobo labongo tiyo kacel ki to.—Kwan Jon 5:26-29; 1 Jo Korint 15:25, 26.
Gin ango ma Yecu tye ka timone i kareni?
Yecu i kare-ni tye ka telo lulub kore me ada i tic me tito kwena i twok lobo lung. Gin gilimo dano me tittigi gin ma Baibul waco i kom Ker pa Lubanga. Yecu owaco ni ebimedde ki teno kor tic pa lupwonnyene nio ka Ker pa Lubanga otyeko gamente ducu pa dano.—Kwan Matayo 24:14; 28:19, 20.
Yecu tye ka nyuto ki dano kit ma gitwero nongo kwede kwo maber kun tiyo ki kacokke pa Lukricitayo me ada. En bimedde ki telogi nio ka gubwot ki i agikki me lobo man kun gidonyo i lobo manyen ma Lubanga ociko pire.—Kwan 2 Petero 3:7, 13; Niyabo 7:17.