LAPENY MA KIGAMO ME BAIBUL
Jami maraco gia ki kwene?
Anga ma otemo bito yecu wek otim gin marac?—Matayo 4:8-10
Pol kare dano gimito ni gibed ki kuc i kingi, lugen, ki dok lukica. Ento pingo dok waneno jami calo tim gero, ngolo kop alenga, ki dong tim bwami? Lok angeya opong ki jami maraco onya i kin piny. Mono tye ngat mo ma tye ka miyo dano gitimo jami maraco?—Kwan 1 Jon 5:19.
Tika Lubanga ocweyo dano ki cwiny me bedo ka timo jami maraco? Pe, Lubanga Jehovah ocweyo dano i kit calle kikome, ki kero me nyuto mar ma en tye kwede. (Acakki 1:27; Yubu 34:10) Ento Lubanga bene oweko watye agonya me moko tamwa piwa kenwa. I kare ma lunyodowa mukwongo guyero me timo gin marac, gin gukwero lanen maber pa Lubanga ma oweko gudoko luroc. Walako cwiny me timo bal ki botgi.—Kwan Nwoyo Cik 32:4, 5.
Tika jami maraco bimedde pi naka?
Lubanga mito ni walweny ki cwiny maraco ma watye kwede. (Carolok 27:11) Pi meno, en pwonyowa me gwokke wek pe watim jami maraco ki dong kit me nongo yomcwiny me ada. Ento i kareni, pe watwero lubo lanen me mar pa Lubanga labongo timo bal.—Kwan Jabuli 32:8.
Kadi bed ni tim maraco pol i kareni, Lubanga pud tye ka wekone pi kare manok wek wanen kit marac kwede. (2 Petero 3:7-9) Cokcok-ki, lobo bipong ki jo ma cwinygi yom ma giwinyo dog Lubanga.—Kwan Jabuli 37:9-11.