Ka Kwo Tek ma Pe Kanye

Me labolle, Sally,a ma bedo i lobo Amerika, orwenyo jamine ducu i kare ma kot ocwer ki yamo lapiru magwar. En owaco ni: “Onongo dong pe atwero kanyone. Tyen mapol awinyo calo wiya dong mito balle woko.”

Atematema mukene ma tye i kwo aye ka ngat ma imaro oto. Janice, ma bedo i lobo Australia owaco ni: “I kare ma awobena aryo guto i kine me kare manok, awinyo calo kwona oket woko calo gilac ma opoto oto oket ka weng. Akwayo Lubanga ni: ‘Alegi, cwinya dong pe twero kanyo arem man! Wek ato woko. Pe dong amito a malo.’”

Kitungcel, Daniel cwinye otur matek i kare ma dakone otimo abor. En otito ni: “I kare ma dakona owacca ni etimo abor, obedo calo pala mo ocobo cwinya malit. Awinyo calo pala man tye ka coba teretere​—dok arem man orii pi dwe mapol.”

Wi Lubele man binyamo tyen lok mumiyo pire tek me medde ki kwo kadi bed

• Can ma poto atura otimme

• Danowa me amara oto

• Ngat ma inyomme kwede oturo gennene

• Itye ka lweny ki two malit

• Kwo odoko tek ma pe kanye

Dong, mukwongo, kong wanenu kit ma watwero cirone ka can ma poto atura otimme