Kwano Baibul ki Lutino Kwan i Yo ma Weko Gidongo

Bute me 8: Wek Lutino Kwanni Gunge Dul pa Jehovah

1. Pingo pire tek me nyamo lok mo acel olo i kom dul pa Jehovah cabit acel acel i kare me kwano Baibul?

¹ Kwano Baibul ki dano pe obedo ni wek gin gunge lok ma mako niyewa keken ento wek gin bene gudok but kacokke pa Lukricitayo. (Jek. 8:23) Brocuwa Jehovah’s Witnesses—Who Are They? What Do They Believe? twero konyowa me timo man. Mi brocuwa man bot lutino kwan manyen me Baibul dok i cuk cwinygi me kwanone. Med i kom meno, kwany dakika mo manok me nyamo lok mo acel olo ki iye i kom dul pa Jehovah ka itye ka pwonyi me cabit.

2. Itwero cako cuko cwiny lutino kwan me Baibul me wot i kacokke nining?

² Cokke ma Tye: Yo acel ma pire tek ma weko latin kwan me Baibul twero cako nyuto pwocce pi dul pa Lubanga aye cako ribbe kacel kwedwa i kacokke. (1 Kor. 14:24, 25) Pi meno, wek gunge lok i kom cokke maber, tittigi pi cokke abic ma bedo tye cabit ki cabit kun i kwanyo acel nino acel. Nyut wi pwony ma kiyubo pi lwak ma bedo i ceng cabit. Nyut botgi bene Watchtower kacel ki buk ma kibikwano i Cokke me Kwano Buk. Lok i kom Cokke me Tiokraci ki Cokke me Ticwa. Ka kimiyo boti pwony mo i Cukul meno, itwero kong poro kit ma ibipwonyone kwede botgi. Tit botgi lok mogo ma pigi tego ma kipwonyogi i kacokke magi. Ti ki cal ma tye i bukkewa wek okony lutino kwan me niang jami ma tye. Lwongi me bino i kacokke cut ma nongo pud icako kwan kwedgi acaka.

3. Jami ango ma watwero nyamogi ma make ki lok i kom dul pa Lubanga?

³ Ka kare me Nipo, gure, ki ka lim pa laneno me adwol oromo, kwany kare mo manok me tittigi kun icuko cwinygi me bedo tye i yub man. Itwero bene nyamo kwedgi lok i kom peny mogo ma pigi tego calo: Pingo kilwongowa ni Lucaden pa Jehovah? Pingo kilwongo ot me kacokkewa ni Ot me Ker? Tic pa luelda ki lukony kor tic obedo ngo? Yo ango ma kiyubo kwede kit me ticwa me pwony ki lok ma mako wang tic? Bukkewa kono kigoyo nining? I yo ma nining ma dul man ginongo kwede lim? Tic pa jang gang kal ki Lukiko Madit ma gineno wi tic obedo ngo?

4, 5. I yo ango ma video konyo kwede lutino kwanwa me ngeyo dul pa Jehovah?

⁴ Video Miyo Kony: Yo mukene mamwonya ma lutino kwan gitwero ngeyo kwede dul pa Jehovah obedo video. Calo video me To the Ends of the Earth konyo me ngeyo ngo ma timme i but lobo mapat pat, Our Whole Association of Brothers, ki United by Divine Teaching konyogi me ngeyo gin ma notowa kacel. Dako mo ma onongo obedo ka kwano magajinwa ki bukke mapat pat pi mwaki abic kulu okok ki pig wange i kare ma oneno video Jehovah’s Witnesses—The Organization Behind the Name. En onongo dong geno Lucaden ma gilime-ni, i nge neno video man, en ocako keto gen i kom dul pa Jehovah bene. Kimoko yub me cako kwan kwede, i cabit ma lubo meno en obino cokke i Ot me Ker.

⁵ Ka wajalo dakika mo manok me tic ki jami ma kinyuto-ni bot lutino kwanwa, ci wabiweko lutino kwanwa me Baibul ngeyo dul ma Jehovah tye ka tic kwede i kare ni.