Branch Letter

Bot Lutit Kwena me Ker Ducu:

Kityeko cako adwol manyen adek i Kenya ki i Tanzania, ki acel i Burundi i acakki mwaka manyen me ticwa-ni. Kombeddi wang ticwa me East Africa dong tye ki adwol 67 ki distrik 7.

I Tanzania, kityeko dong gero Odi me Ker 237 cakke i mwaka 2000. Yub me gero jang gang kal dong tye ka wot anyim dok wageno ni ticce bicakke ma peya mwaka-ni otum. I Burundi ki Uganda, tic me gero jang gang kal bitum i tum mwaka-ni. I Kenya, kityeko gero Odi me Ker 276 ki i Sudan Odi me Ker 20 nicakke i mwaka 1999.

Kitye bene ka yelle me tito kwena maber bot jo ma itgi oding. Kityeko cwalo jo ma gubedo painia keken ma gingeyo Lok pa Luding It ma polle kitiyo ki cing i kabedo mogo ma nongo luding it pol iye.

Wamito bene cwalo pwocwa bot omego ki lumego mapol ma gumiyo kony i lok madok i kom miyo jami bot jo ma gubedo lupeko i mwaka-ni. Jo mapol gutiyo matek me roco Ot me Ker me Juba West dok guyubo ot pa lamego mo i nge mwoc pa bom mo i Juba, lobo Sudan. I kabedo mukene ma piny obedo ma otwo nyo pii opong iye, kimiyo kony me cam. Cwinywa pud dong yom ni watye ki utmegiwa ma gubedo Lukricitayo ma gitye ki mar ya!—1 Pet. 2:17.

Tic magi ducu ma kitimo me dongo lok me Ker-ri pud dong obedo lok maber adada! Wapwoyo cwiny maber ma wunyuto me miyo mot me lim me konyo tic man. (Car. 3:9, 10) Walego ni Jehovah omedde ki goyo laa i kom yellewa me ‘pako deyone.’—Ep. 1:12.

Wan utmegiwu,

Me Jang Gang Kal me Burundi, Kenya, Tanzania, ki Uganda