Branch Letter

Bot Lutit Kwena me Ker:

Cwinywa yom mada me neno kit ma ticwa odongo kwede i kabedo me Afrika me Tung Kunyango, i mwaka 2007 me ticwa! Painia keken ki painia marii mapol gitye ka tic i wang ticwa, dok gitye ka kelo adwogi mabeco i tic man me tito kwena. Tic me gedo jang gang kal me Tanzania pud tye ka medde anyim maber. Wabedo ki yomcwiny me neno dyero jang gang kal me Burundi, Rwanda ki Uganda i Novemba 25, 2006, Decemba 2, 2006 ki Januari 20, 2007. Wel lutit kwena me Sudan ma pud dong oito malo loyo, obedo 1,508 i April. Omyero wiwa obed ka po me lega pi omegiwa ma gitye i Eritrea. I kare-ni, omege 23 gitye i buc i Eritrea ma mukene dong gubedo i buc pi mwaki 12 kulu.

Kipoko Kingdom News Nam. 37 ma wiye obedo ni “Agikki pa Dini Goba Dong Tye Cok!” milion mapol i wang tic ducu. I nge gamo ki kwano acel mo, lamego mo ki i United States ma onongo dong ogiko ticce me pwony woko, pe onino. I Ceng Cabit ma olubune, en ocito i cokke ci openyo ni omyero kikwan kwede Baibul. Jo ma gunyutu miti gutiyo ki kabedo me penyo pi ngec mukene ma tye i nge Kingdom News me penyo pi brocuwa me Wubed ma Wukiyo Piny! ki dok me penyo pi kwano Baibul.

Rwec ma kit man tye me konyo jo ma tye ki cwiny matir me ngeyo ngo ma Baibul ada pwonyo. (Mat. 28:19, 20) Ka itye i tic me pwony, wi myero opo me coyo nying ngat mo keken ma onyutu miti, dok idok cen ki yub me cako kwano Baibul kwedgi. Cwinywa yom me tute kacel kwedwu i tic man ma pire tek-ki, wacwalo motwa ki marwa botwu.

Wan utmegiwu,

Me Jang Gang Kal me Burundi, Kenya, Tanzania ki Uganda