(1) Tic ki Lapeny, (2) Kwano Ginacoya, ki (3) Nyuto Dul Mapat pat ma Tye

Yo mayot me nyuto buk me Baibul Mono Ada Pwonyo Gin Ango? obedo (1) penyo lapeny ma romo tugo tam, (2) kwano ginacoya ma rwatte, ki (3) Nyuto bot rwed ot dul mo ma tye i buk meno ma rwatte ki gin ma wutye ka nyamone kun itiyo ki lapeny ma tye i acakki me dul moni. Ka rwed ot onyuto miti, ci iromo poro kit me kwano Baibul, ti ki paragraf me acakki me dul moni. Iromo bene cako kwan ki yo man i nino me acel me rwattewu nyo i nino ma idok cen ka lim.

◼ “In itamo ni wan dano watwero ngeyo Lacwec won twer ducu kit ma Baibul waco kany-nyi?” Kwan Tic pa Lukwena 17:26, 27, mine kare wek ogam. Ci ilok i kom gin ma tye i dul me 1.

◼ “Ka ineno pekki ma dano gitye ka nenone-ni, itamo ni nongo yomcwiny ki gen twerre kit macalo kitito kwede i tyeng kany-nyi?” Kwan Jo Roma 15:4, mine kare wek ogam. Ci ilok i kom gin ma tye i dul me 2.

◼ “Ka onongo in itye ki kero, kono onongo ikelo alokaloka magi?” Kwan Niyabo 21:4, mine kare wek ogam. Ci ilok i kom gin ma tye i dul me 3.

◼ “In itamo ni lutinowa bene gibinongo yomcwiny me bedo i kare ma nongo dong kwo tye kit ma kiwaco kwede i wer macon man?” Kwan Jabuli 37:10, 11, mine kare wek ogam. Ci ilok i kom gin ma tye i dul me 3.

◼ “In itamo ni kare mo bibino ma wabibedo ma nongo lok magi dong gucobbe?” Kwan Icaya 33:24, mine kare wek ogam. Ci ilok i kom gin ma tye i dul me 3.

◼ “In tika dong itemo penye kekeni ka ce jo muto gingeyo gin ma jo ma kwo timo?” Mine kare wek ogam. Kwan Latitlok 9:5, ci ilok i kom gin ma tye i dul me 6.

◼ “In itamo ni bitwere me neno danowa me amara ma dong guto woko, kit ma Yecu owaco kwede i tyeng magi?” Kwan Jon 5:28, 29, mine kare wek ogam. Ci ilok i kom gin ma tye i dul me 7.

◼ “Kit macalo kinyuto kwede i lega muywek-ki, in itamo ni ngo ma bitimme wek miti pa Lubanga ocobbe i lobo kany kit macalo tye i polo?” Kwan Matayo 6:9, 10, mine kare wek ogam. Ci ilok i kom gin ma tye i dul me 8.

◼ “In tika ingeyo ni dong watye ka kwo i kare ma kiloko pire kany-nyi?” Kwan 2 Temceo 3:1-4, mine kare wek ogam. Ci ilok i kom gin ma tye i dul me 9.

◼ “Pol dano giuro pingo pekki ma dano limo tye ka doko rac medde ameda. In tika dong itamo tyen lok ma omiyo peko medde ameda kit macalo kitito kwede i tyeng man?” Kwan Niyabo 12:9, mine kare wek ogam. Ci ilok i kom gin ma tye i dul me 10.

◼ “In tika kong itemo bedo ki miti me ngeyo lagam me lapeny macalo man?” Kwan Yubu 21:7, mine kare wek ogam. Ci ilok i kom gin ma tye i dul me 11.

◼ “In itamo ni lubo pwony ma tye i Baibul onongo romo konyo dano me bedo ki yomcwiny i kwo me otgi?” Kwan Jo Epeco 5:33, mine kare wek ogam. Ci ilok i kom gin ma tye i dul me 14.

Iromo miyo ripot i kom latin kwanni me Baibul i yo nge kwano Baibul kwede tyen aryo ma nongo dong inyute kit ma wubikwano kwede, ka ce ineno ni latin kwan man bimedde ki kwanne.