Kit me Nyuto Magajin

The Watchtower Dec. 15

“Dano mapol giparo mada kit ma nino madito dok odoko kare me cato wil aye. Itamo ni nino magi dong gutyeko rwenyo tyen lok ma omiyo kicako kwerogi kwede woko? [Mine kare wek ogam.] Magajin man tito kit ma kit me kwero nino madito magi gubedo ka lokke kwede. Tito bene kit ma watwero woro kwede Lubanga gin ki Kricito i ada.” Kwan Jon 17:3.

Awake! Dec. 22

“Mwaki 85 i angec, two gemo mo oneko dano mapol ata i kine ka cabit 24 keken ma loyo wel dano ma Two Jonyo onekogi i mwaki 24 kulu. Jo mukene giwaco ni man aye pud dong obedo two marac loyo i tekwaro. In tika dong iwinyo pi two abwuru me Spain? [Mine kare wek ogam.] Magajin man konyowa me niang ka gin ma kit man pud dok twero timme aye. Miyo bene tyen lok me bedo ki gen.” Kwan Icaya 33:24.

The Watchtower Jan. 1

“Dano gitye ki kero me timo jami mapol mabeco, ento pol kare gitimo jami maraco aye doki. In tika kong itemo tamo pingone? [Mine kare wek ogam.] Magajin man miyo lagam me Baibul. Tito bene kit ma tim mabeco bileyo kwede ka wang tim maraco.” Kwan Jo Roma 16:20.

Awake! Jan.

“In mono kong itemo goyo kit ma kwo bibedo kwede i lobo i mwaka 20 nyo 30 i anyim? [Mine kare wek ogam. Ci ikwan Jabuli 119:105.] Baibul menyo anyimwa dok miyo wangeyo ngo ma bitimme i anyim. Magajin man loko i kom lok pa lunebi pi karewa-ni dok miyowa tyen lok ma weko wabedo ki gen ni kwo mamwonya tye i anyim.”