Kit me Nyutu Magajin

The Watchtower Dec. 15

“I kare me nino madongo, dano mapol gitemme me nyutu cwiny me kica kacel ki paro pi dano. In itamo ni lobo onongo twero bedo kabedo maber ka dano onongo giparo pi luwotgi i nino ducu me mwaka? [Mine kare wek ogam. Ci ikwan 1 Petero 3:8.] Magajin man tito ber pa nyutu cwiny me kica ki dok yo mogo ma waromo nyutune kwede.”

Awake! Dec.

“In itamo ni jowa me amara ma guto gibikwo doki? [Mine kare wek ogam.] Baibul tito ni tye yo mo acel me bwot ki i to. [Kwan Jabuli 68:20.] Magajin man nyutu tyen lok mumiyo omyero pe walwor to calo en aye dong obedo agikki me kwo pa dano matwal.”

The Watchtower Jan. 1

“Dano mapol gilego ni Ker pa Lubanga obin. Me labolle, nen kong lega man ma ngene mada ma Yecu opwonyo kwede lulub kore. [Kwan Matayo 6:9, 10.] In tika dong ipenye kekeni ni Ker-ri mono obedo gin ango ki dok ni bibino awene? [Mine kare wek ogam.] Magajin man nyutu gin ma Baibul tito i kom lok man.”

Awake! Jan.

“Cakke con i tekwaro pa dano, mon kibedo ka terogi marac. Itamo ni man obedo ka timme pingo? [Mine kare wek ogam.] Nen kong kit ma Baibul ciko kwede co i kit ma myero guter kwede mongi. [Kwan 1 Petero 3:7.] Magajin man nyutu ki i Baibul kit ma Lubanga gin ki Kricito gineno kwede mon.”