Rweyo Pi Gure Madit Me Distrik Ma Wi Lokke Tye Ni “larre Dong Tye Cok!” i Lobo Ducu Lutit Kwena me Kacokke Acel Acel Omyero Gupok Karatac me Lwongo-ni
1 Cakke i Mai mwaka 2006, tic me rweyo pi yub me gure madit me distrik ma bitimme i lobe 155 bibedo tye, cakke ki i Tung Kumalo me wi lobo-ni medde kwede anyim wa i tum pa gure madit me distrik i but lobo ducu. Tic man bikwako wa rweyo pi yub me gure madito ma kitgi dok pat ma gibibedo i Germany, Czech Republic, ki Poland i Julai ki cabit mukwongo me Agucito mwaka 2006.
2 Kit macalo dong watye ka kwo i kare me agikki-ni, gure madit man ma binyuto cikke pa Lubanga me laro dano ki i lobo man marac-ci, myero ogud cwiny jo ma tye atir. Kwena man omyero owek gucak tam pi jami ma tye i anyim. Wek dano milion mapol gunong kare me winyo kwena man me kwe cwiny ki gen-ni, kicuko cwiny kacokke pa Lucaden pa Jehovah ma kato 98,000 kulu-ni me rweyo pi gure madit ma nongo kilwongogi iye.
3 Kibimiyo karatac me lwongo muromo bot kacokke ducu wek latit kwena acel acel onong karatac ma romo 50 kulu. Mogo ma bidonge, painia ma i kacokke gibitic kwede. I kacokke acel acel, rweyo pi gure madit ma kacokke moni-ni bibedo iye bicakke nongo pud gure meno odong cabit adek anyim. Man bimiyo kare me longo i wang tic pa kacokke moni ducu.
4 Bedo ber ka ce kimiyo karatac man i cing wegi odi acel acel ducu. Ento ka rwed ot moni peke gang, ci kitwero royone i te doggola ma nongo pe twero nen ki woko. Myero kiket tek me poko karatac man wek otum woko ducu i kine me cabit adek-ki.
5 Kit macalo kiketo kwede i pwony man, watye ki gen ni rweyo pi Gure Madit me Distrik ma wi lokke tye ni “Larre Dong Tye Cok!” kibimiyo caden madit . Walego ni Jehovah ogo laane i kom yellewu ki acel acel me rweyo pi gure man.