In Mono Itiyo ki Handbills (Karatac ma Tito pi Cokkewa)?

I nino mo acel awobi mo ma mwakane tye 11 onongo handbill mo ma onongo tito pi pwony ma kiyubo pi lwak i kom kapiny. Lacen en otito ni: “Pwony man oyomo cwinya mada, kit ma onongo abedo ka timo jami ma pe tye atir-ri oweko onongo aparo lok me cito i kapiny mada ka ato.” En ocito ka winyo pwony meno, ci i nge kwano Baibul pi mwaka acel, en onongo batija. Man aye kit ma kwo pa Karl Klein ocakke kwede macalo Lakricitayo. Lacen en otiyo macalo lamemba me Lukiko Madit pa Lucaden pa Jehovah pi mwaka mapol. Kwone macalo Lakricitayo ocakke pi handbill.

Pud kitiyo ki handbill pi miyo lok me caden wa i kare-ni. Lutit kwena mapol ginongo ni miyone bot dano obedo yo acel maber me cako lok ki dano. Lunyodo gitwero weko lutinogi gimiyo bot dano ki i dog ot ka gitye i tic me pwony. Lutit kwena mapol ma gimiyo caden ki coyo waraga gitwero tito pi cokkewa ki keto handbill i waragagi ma gicwalo. Dong ngene kene ni, handbill aye obedo gin maber me lwongo lutino kwanwa me Baibul kacel ki jo mukene ma gitye ki mitti wek gubin i cokkewa.

Tika dong itiyo ki handbill me tito pi cokkewa i ticci me pwony?