Kit me Nyuto Magajin

The Watchtower Sek. 15

Lok i kom lok angeyo mo ma pud otimme atima ma dano gingeyo pire. Ci ipeny ni: “In itamo ni wang Baibul man tito kare ma watye ka kwo iye-ni kikome? [Kwan 2 Temceo 3:1, ci imine kare wek ogam.] Magajin man loko i kom lanyut ma nyuto ni wan dong watye ka kwo i kare me agikki dok nyuto ngo ma omyero watim.”

Awake! Sek.

“Dano mapol giye ni wan kicweyowa acweya. Jo mukene giwacci wan wa a ki i kom lee. In itamo ningo i lok man? [Mine kare wek ogam.] Nen kong tam ma kimiyo kany ma konyowa me niang lok man maber. [Kwan Yubu 12:7, 8.] Awake! man madok kite pat-ti loko i kom pwony ma watwero nongone ki i kom ryeko kacel ki diro ma tye i cwec.”

The Watchtower Okt. 1

“Ludiro ngec gitye ka temme me jwayo two ki dong me medo kare me kwowa. In itamo ni mot mot man biweko kwo me labed naka twere? [Mine kare wek ogam.] Nen kong tyen lok mumiyo watamo pi kwo me labed naka. [Kwan Latitlok 3:11.] Magajin man tito tyen lok mumiyo Lubanga ocweyowa ki miti me kwo nakanaka.”

Awake! Okt.

“Cokcok dano ducu gimaro neno telebijon. Ento in itamo ni omyero wayer gin ma wamito nenone ayera? [Mine kare wek ogam. Ci ikwan Carolok 13:20.] Magajin man nyuto kit ma neno telebijon romo dwoyo kwede tamwa, dok bene miyo tam i kom kit ma omyero wajukke kwede kekenwa i lok madok i nenone.”