Kit me Nyutu Magajin

The Watchtower Sek. 15

“Amito niang tammi i kom lok ma kiwaco kany-nyi. [Kwan Nwoyo Cik 32:2.] Tika dong itemo penye kekeni pingo peko ki tim maraco tye mapol i lobo ka ce ada Lubanga obedo ngat matek dok ticce ducu tye atir? [Mine kare wek ogam.] Magajin man tito pingo Lubanga oye ni tim maraco omedde wa i karewa-ni.”

Awake! Sek.

“Pol pa wan wamito ni wabed ki yotkom dok warii pi kare malac. In itamo ni temme me bedo ma cwinywa yom romo kelo alokaloka i yotkomwa? [Mine kare wek ogam. Ci ikwan Carolok 17:22.] Lok ma tye kany-ni nyamo tyen lok mumiyo pire tek ki wan me temme me bedo ki gen.” Nyut lok ma cakke ki i pot karatac 26.

The Watchtower Okt. 1

“Tika dong nino mo ikok ni, ‘Kono onongo nene ange kono pe atimo gini!’? [Mine kare wek ogam.] Nen kong gin ma kiwaco kany i kom gin mumiyo wan ducu cawa mukene watimo jami mogo ma miyo wakoko ange. [Kwan Jeremia 10:23.] Magajin man tito kit ma tam mabeco ma tye i Baibul konyowa kwede me ngiyo jami ma wayero me timone.”

Awake! Okt.

“In itamo ni kwo pa lutino i kare-ni dong tye ka mading loyo me kare mukato angec? [Mine kare wek ogam.] Jo mapol gitamo ni dong watye ka kwo i kare ma kitito pire kany-nyi. [Kwan 2 Temceo 3:1-5.] Magajin man miyo tam ma twero konyo lunyodo i kit ma myero gugwok kwede lutinogi ki i kom jo ma buto ki lutino.”