Bok Me Lapeny

◼ Anga ma myero onyut wer me cako Cukul me Tiokraci, Cokke me Ticwa, Pwony ma Kiyubo pi Lwak, ki Kwano Watchtower, dok omyero onong ki kwene?

Wer ma kiyero me cako Cukul me Tiokraci pi cabit ducu nonge i Yub me Cukul me Tiokraci me Ticwa Me Ker me Oktoba i pot karatac ma kilutu i iye. Wer me cako ki giko Cokke me Ticwa pi cabit ducu kiketogi i pot karatac me 2 i Ticwa Me Ker. Kit meno bene, wer me kwano Watchtower pi cabit moni-ni nonge i pot karatac me 2 i Watchtower ducu. Wer ma kiyerogi-ni nongo tye macalo but yub me cokke moni-ni, pi meno omego ma bidoro cokke meno aye omyero onyut wer ma kibiwerone ento pe wonkom me cokke mukato.

Me labolle, lador wi Cukul me Tiokraci bijolo lwak, nyutu wer me cakone, medde ki doro yub me cukul, ka dong i ngeye, lwongo lalok mukwongo i yub me Cokke me Ticwa i wi abam. Omego ma nongo tye i yub me Cokke me Ticwa-ni aye binyutu wer me cako Cokke me Ticwa bot lwak.

Man bene rom aroma ki Pwony ma Kiyubo pi Lwak, wonkom aye bicakone. En bijolo jo ducu ma gubino i cokke ka dong kwayogi me a malo ka wero wer ma nongo lami pwony aye oyero me cakone. Wonkom (nyo omego mukene mucwiny ma nongo kiniango con) bicako cokke meno ki lega. En binyutu lalok ki wi pwonye. I nge tum pa pwony, wonkom pe myero owot wiye wiye i kom lok ma lalok oa ka miyone, en omyero omi pwoc pi pwony meno. Omyero en otit wi pwony ma kiyubo pi lwak pi cabit manyen, ka dong okwa lwak me bedo pi Kwano Watchtower. Pe mitte ni wonkom omyero openy ka lwak mito ni lalok ocwal motgi bot kacokke ma en oa ki iye. Ingeye, wonkom omyero olwong ngat ma bidoro Kwano Watchtower i wi abam.

Lador Kwano Watchtower aye binyutu wer mukwongo ma kibitic kwede ma lubbe ki kwan man. En bidoro kwan man kun lubu ngec ma dok i kom kit me dorone ka dong nyutu wer me gikone. Lador Kwano Watchtower bilwongo omego ma omiyo pwony ma kiyubo pi lwak me tweyo te yub ki lega.

Lubo yo magi ducu bikonyo me neno ni yub me cokke ducu owoto marom ka ducu.