Yub Manyen me Gure me Nino Acel

Wi lok madit me gure me nino acel pi mwaka 2008 me ticwa tye ni ‘Wan Wabedo Lobo Agulu—Jehovah Aye Lacwewa,’ ma jenge i Icaya 64:8. Pwony ma a i Ginacoya ma wabinongo ki i yub man bimedo pwocwa pi ryeko, ngolo kop atir, teko kacel ki mar pa Jehovah macalo Lacwec Madit me Agulu.

Pwony ma laneno me adwol bimiyo ma wiye tye ni, “Tic Macalo Atabo me Deyo i Tic me Pwony,” binyutu kit ma dano mapol gitye ka nongo mot madwong pi ngeyo lok me ada ki nywakone ki jo mukene. Pwony ma wiye tye ni “Lwodo Lok Bigwoki” binyutu kit ma lwodo lok matut i kom cik me kit ma atir pa Jehovah gwokowa kwede. Omego ma bibino ka lim bimiyo pwony ma wi lokgi tye ni “Pe ‘Wulub Tam me Lobo Man’” ki “Wuwek Lacwec Madit me Agulu Aye Oyubwu.” Lunyodo ki jo matino ducu gibinongo pwony ma cuko cwiny ma wi lokgi tye ni “Bulu ma Pigi Tego Bot Jehovah” ki “Tic pa Lunyodo ma Pire Tek i Tiro Lutino.” Wabibedo ki yomcwiny me winyo ki neno ngo ma omegiwa ki lumegiwa gitye ka cobone i ticgi me pwony kun wok ki i jami me apora kacel ki penyo dano mogo. Jo ma mito nyutu dyeregi bot Lubanga ki nongo batija i pii myero guniang won kom pa luelda cutcut. Nen ni ibino ki Watchtower ma kibikwanone i cabit me gure man.

Yub mo keken ma Lacwec Madit me Agulu-ni oyubo en cobo. Ento wan aye omyero wayer ka nyo wabijolo yo ma en yubowa kwede. Jo ma gimine me lubu cik pa Jehovah ki yubbe kit ma lobo agulu timme kwede i cing lacwe agulu, kiromo yubogi gidoko calo atabo ma pire tek. Ka walubu miti pa Jehovah, ci nongo wacwako twerone me loc dok miyo wanongo mot mapol.