In Tika Ingeyo Yo ma Itwero Yerone?

Yango labongo remo dong tye ka timme i odi yadi mapol adada i wi lobo. In tika ingeyo yo mukene ma tye ma itwero kwanyone ma lubbe ki cango two labongo medo remo? Omyero inge wek imok tammi ma lubbe ki ngec ma itye kwede i lok ma dok i kom cango two kacel ki yango. Nen vidio me No Blood—Medicine Meets the Challenge. I yo ngeye, ket tam ma imoko-ni i lega kun idok wiye wiye i pwony ma ipwonyo kacel ki tic ki lapeny ma kiryeyogi pinyi.—Ngec ma tye: Kit ma vidio man nyutu ka mogo ma kitye ka yango dano iye, lunyodo omyero guti ki ryeko ka gitye ka neno vidio man ki lutino. Ka ma vidio man pe iye, wukwan lok ma tye i “Lapeny pa Lukwan Bukkewa” i Watchtower me Juni 15, 2004 ki me Oktoba 15, 2000, nyo “In Mono Itye Atera me Kemme ki Gin mo ma Timme i Komwa ma Mito Ot Yat dok Temo Niyewa?” ma tye i Our Kingdom Ministry me Novemba 1990 ci wunyam lapeny magi.

(1) Tyen lok ma pire tek loyo ma omiyo Lucaden pa Jehovah gikwero medo remo obedo ngo? (2) I lok ma dok i kom tic i kom lutwo, ngo ma Lucaden pa Jehovah gimito? (3) Twero ango ma lutwo gitye kwede? (4) Pingo bedo me niango me yero yo mukene ma kitiyo kwede mapat ki medo remo? (5) Ka ce remo orweny mapol, jami aryo ango ma dokto giromo timone pi oyot? (6) Jami angwen ango ma tye ma pigi tego ma kiromo tic kwedgi mapat ki medo remo? (7) Yo ango ma dokto gitwero (a) jwiko kwede rwenyo pa remo mapol, (b) gwoko kwede red blood cells, (c) medo nya pa remo i kom, ki (d) dwoko remo ma oony cen? (8) Tit kong yo ma kitiyo kwedgi ma kilwongo ni (a) hemodilution ki dok (b) cell salvage. (9) Ngo ma omyero kiwek inge pire ma mako yo mukene ma kitiyo kwede mapat ki medo remo? (10) Mono twere me yango yango matego ma twero kelo bal labongo medo remo? (11) Alokaloka mabeco ango ma tye ka timme i kin ludaktar?

Ye yo mogo me tic i kom dano ma kinyutugi i vidio-ni cung i wi dano acel acel kun nongo lubbe ki kit ma cwinye ngolo kwede kop ma lubbe ki ngecce me Baibul. In tika dong ityeko moko yo me cango two ki dong tic pa ludaktar ma itwero ye ni giti kwede i komi kacel ki i kom lutinoni, ka dong ipongo kaddi me DPA nyo AMD? Pi nyamo ngec mucwiny ma lubbe ki lok man, kwan ki diro “Lapeny pa Lukwan Bukkewa” ma tye i Watchtower me Juni 15, 2004 ki Oktoba 15, 2000. Ti ki ngec ma tye i pot karatac ma kiluto i Ticwa Me Ker me Novemba 2006, ma wiye tye ni “An Mono Aneno Jami ma Tye i Remo ki dok Tic pa Ludaktar ma Kubbe ki Remona Nining?,” pi moko tammi i kom ngo ma ibiyero nyo pe. Ki dong me agikkine, nen ni ikobo ngo ma iyero-ni i kaddi me DPA nyo AMD maber. Omyero inen ni iniango ngat ma bicung piri kacel ki dano gangwu ma pe gubedo Lucaden i kom tammi ma imoko.