Bok Me Lapeny

◼ Myero wakwan ki latin kwan me Baibul ma tye ka dongo pi kare ma rom mene?

Bedo ber loyo ka kwanwa omedde nio wang ma otyeko bukkewa aryo magi—Baibul Mono Ada Pwonyo Gin Ango? ki ‘Wubed i Mar pa Lubanga.’ Man twero timme kadi bed latin kwan me Baibul onongo batija ma nongo peya wutyeko kwano bukke magi. I nge batijane pud ibimedde ki miyo ripot kun ikwano cawa, dok cen, ki en calo latin kwan-ni. Ka latit kwena mo onywako kwedwa i kwan meno, en bene romo coyo cawa ma en otiyo kwede i kwanwu.—Nen Ticwa Me Ker me Marci 2009, pot karatac 2.

Pire tek ni jo manyen gucak ki te guti matek i ada ma peya waweko kwan kwedgi. Omyero ‘lwitgi odony’ matut i Kricito, dok gin ‘gucung matek i niyegi’ wek gulo lweny ki atematema ma gibikemme kwede. (Kol. 2:6, 7; 2 Tem. 3:12; 1 Pet. 5:8, 9) Medo i kom meno, wek gubed lupwonye ma gipwonyo dano i yo mucwiny myero ‘gunong ngec matir i lok me ada.’ (1 Tem. 2:4) Ka wakwano bukke aryo ki lutino kwanwa, nongo watye ka konyogi me moko liking i ‘yo ma tero dano i kwo.’—Mat. 7:14.

Ma pud peya kiye ni ngat moni onong batija, luelda omyero gunen ni en oniang pwony me Baibul ma pigi tego maber dok ni tye ka ketogi i tic i kwone. Ka luelda gitye ka penyo latin kwan ma peya otyeko kwano buk mukwongo myero gutim ki ryeko. Ka ginongo ni dano meno peya opore me nongo batija, luelda myero gumiye kony wek i kare me anyim en obed mupore me nongo batija.—Nen buk me Organized to Do Jehovah’s Will, pot karatac 217-218.

[Boro buk i pot karatac 2]

Pire tek ni jo manyen gucak ki te guti matek i ada