Konygi Wek ‘Gucung Matek i Niye’

Watye ki yomcwiny madit me neno kit ma Jehovah tye ka goyo laane i kom ticwa me kac, dok dano makato 250, 000 ginongo batija mwaka ki mwaka. (Nwo. 28:2) Pol kare ka latit kwena okonyo latin kwanne me nongo batija, en dong weko latin kwan meno ci keto cwinye i kom konyo jo mukene. Latin kwan kikome bene romo juko kwan woko pien ni mito medo cawane i tic me pwony. Ento, pire tek mada pi lutino kwan me Baibul me bedo ki te guti matek i ada. Myero ‘lwitgi odony’ i Kricito dok ‘gucung matek i niye.’ (Kol. 2:6, 7; 2 Tem. 3:12) Pi meno, kadi latin kwan onongo batija, myero pud kimedde ki kwan kwede wang ma otyeko bukke me Baibul Pwonyo ki ‘Mar pa Lubanga.’—Nen Ticwa Me Ker, me April 2011 pot karatac 2.